p.bas.2

Πακῦσις Παβοῦτος καὶ ὁ τούτου υἱὸς Πεὶς ἐκ μητρὸς Σωτηρείας ἀπὸ κώμης Σοκνοπαίου Νήσου οἱ β καμηλάται καὶ Σισόις Ὡρίωνος ἀπὸ κώμης Ἀράβων καὶ Πωλίων Μάρωνος ἀπὸ ἐποικίου Περκεήσιος ἀπὸ νομοῦ Ἀρσινοείτου Αἰλουρᾶτι Πτολλᾶ καὶ Λάμπωνι Νείλου καὶ Νεμεσίῳ Ὅπλωνος καὶ τοῖς λοιποῖς ἐξ εὐσχημόνων χαίρειν. ὁμολογοῦμεν παρειληφέναι παρʼ ὑμῶν καμήλους ἀπολυθέντας ὑπὸ τοῦ κρατίστου ἐπάρχου Κλαυδίου Λουκιλιανοῦ ἄρρενας τρεῖς οὓς καὶ ἀποκαταστήσομεν καὶ παραδώσομεν ἐν τῷ [........]τῃ νομῷ καὶ ἀπέσχομεν παρʼ ὑμῶν ἐνταῦθα διὰ χειρὸς τὰς τροφὰς τῶν καμήλων δραχμὰς υ. ἐὰν δὲ πταίσῃ τι ἐξ αὐτῶν κατὰ τὴν ὁδὸν, οἴσομεν ὑμῖν τὴν σφραγῖδα καὶ οὐδὲν ζητηθήσεται πρὸς ἡμᾶς. ἔτους? λα Μάρκου Αὐρηλίου Κομμόδου Ἀντωνίνου Καίσαρος τοῦ κυρίου Θώθ κη [.] [...] τὰς ὑπὲρ τῶν τροφῶν δραχμὰς τετρακοσίας. Πακοῖσις Παβοῦτος καὶ Πεὶς υἱὸς παρελάβαμεν τοὺς καμήλους καὶ παραδώσωμεν αὐτοὺς ὡς πρόκειται. Σαραπίων Ἥρωνος ἔγραψα ὑπὲρ μὲν τοῦ Πακοῖσις μὴ εἰδότος γράμματα, τοῦ Πεὶς τὸ ὄνομα ὑπογράφοντος. Πείς. Σισόεις Ὡρίωνος καὶ Πωλίων Μάρωνος συνπαρελάβαμεν τοὺς τρεῖς καμήλους καὶ τὰς τροφὰς αὐτῶν καὶ ἀποκαταστήσομεν καὶ παραδώσoμεν ὡς πρόκειται δραχμ… υ. [..] ἔγραψα ὑπὲρ Σισόιτος Ὡρίωνος καὶ ὑπὲρ τοῦ Πολίωνος Μάρωνος ἀγραμμάτων.