p.fam.tebt.9

ἔτους ἑνδεκάτου Αὐτοκράτορος Καίσαρος Νέρουα Τραιανοῦ Σεβαστοῦ Γερμανικοῦ Δακικοῦ μηνὸς Νέου Σεβαστοῦ κε ἐν Τεβτύνει τῆς Πολέμονος μερίδος τοῦ Ἀρσινοείτου νομοῦ. ὁμολογοῦσι Ἡρακλείδης ὡς ἐτῶν εἴκοσι ἑπτὰ οὐλὴ μετώπῳ ἐξ ἀριστερῶν καὶ Ἀπία ἡ καὶ Ἡράκλεια ὡς ἐτῶν τριάκοντα ὀκτὼ ἄσημος ἀμφότεροι Διδύμου πρεσβυτέρου τοῦ Ἡρώδου, ἡ Ἀπία μετὰ κυρίου τοῦ ἑαυτῆς ἀνδρὸς Διδύμου τοῦ Λυσιμάχου ὡς ἐτῶν τεσσεράκοντα ἓξ οὐλὴ μήλωι δεξιῶι οἱ δύο Θαήσι Ψενκήβκιος τοῦ καὶ Κρονίωνος τοῦ Μαρσισούχου ὡς ἐτῶν πεντήκοντα οὐλὴ ἀντικνημίωι δεξιῶι ⸺ μετὰ κυρίου τοῦ ἑαυτῆς συνγενοῦς Μαρεψήμιος τοῦ Μαρεψήμιος ὡς ἐτῶν τριάκοντα ἓξ οὐλὴ ῥινὶ μέσηι ἀπέχειν παρʼ αὐτῆς Θαήσιος διὰ χειρὸς ἀργυρίου δραχμὰς χιλίας διακοσίας εἴκοσι τέσσαρας καὶ τοὺς τόκους ἃ ὤφειλεν ἡ Θαῆσις τῇ τῶν δύο Ἡρακλείδου καὶ Ἀπίας ἀδελφῆι Ἡρωδιαίνῃ ἥτις ἀπῄτησεν κατὰ ἀσφάλειαν τετελειωμένην διὰ τοῦ ἐν Θεογονίδι γραφείου τῶι ὀγδόωι ἔτει Τραιανοῦ Καίσαρος τοῦ κυρίου μηνὶ Καισαρείωι ιϛ ἣν καὶ ἀναδέδωκαν τῆι Θαῆσι εἰς ἀθετείαν καὶ ἀκύρωσιν, καὶ μήτε αὐτοὺς τοὺς δύο Ἡρακλείδην καὶ Ἀπίαν μήτε παρʼ αὐτῶν ἐπελεύσεσθαι ἐπὶ τὴν Θαῆσιν μήτε ἐπὶ τοὺς παρʼ αὐτῆς περὶ ὧν ἀπέσχηκαν καθότι πρόκειται μηδὲ περὶ ἑτέρου ἁπλῶς πράγματος μέχρι τῆς ἐνεστώσης ἡμέρας, μὴ ἐλαττουμένης τῆς τῶν δύο Ἡρακλείδου καὶ Ἀπίας μητρὸς Θαήσιος ὑπὲρ ὧν ὀφείλει αὐτῆι ἡ Θαῆσις κατὰ ἀσφάλειαν ⸺ ἀργυρικῶν κεφαλαίων ἐφʼ οἷς περιέχει. ὑπογραφεὺς τῶν γυναικῶν ὁ ἑκατέρας κύριος. Ἡρακλείδης καὶ Ἀπία ἡ καὶ Ἡράκλεια Διδύμου τοῦ Ἡρώδου, ἡ Ἀπία μετὰ κυρίου τοῦ ἀνδρὸς Διδύμου τοῦ Λυσιμάχου ὁμολογοῦμεν ἀπέχειν παρὰ τῆς Θαήσεως τὰ τοῦ κεφαλαίου δραχμὰς χιλίας διακοσίας εἴκοσι τέσσαρας καὶ τοὺς τόκους [...] τηι[....] ην και ς[---] μη ελ[---] [--------------------]