TM 124
(text of Papyri.info of September 2016)
Hover on a word for more info. Click on it to go to the detail page of the lemma.
p.amh.2.50
ἔτους ια τοῦ καὶ η Μεσορὴ ιδ, ἐν Κροκοδίλων πόλει Πανίσκου ἀγορανόμου τῆς ἄνω τοπαρχίας τοῦ Παθυρίτου. ἐδάνεισεν Ἐριενοῦφις Ψεμμίνιος τῶν ἐπανηκόντων ἐκ τοῦ παραγγέλματος Εὐνόωι Πατσεοῦτος καὶ Πατσεοῦτι Ὀρσεοῦς τοῖς δυσὶ Πέρσαις τῆς ἐπιγονῆς τῶν ἐκ Παθύρεως, χαλκοῦ νομίσματος τάλαντα πέντε δραχμὰς δισχιλίας ἄτοκα εἰς ἡμέρας τριάκοντα ἀπὸ τοῦ Μεσορὴ τοῦ προκειμένου ἔτους. τὸ δὲ δάνειον τοῦτο ἀποδότωσαν οἱ δεδανεισμένοι Ἐριενούφει ἐν μηνὶ Θωὺθ ε τοῦ ιβ τοῦ καὶ θ ἔτους. ἐὰν δὲ μὴ ἀποδῶσι ἐν τῶι ὡρισμένωι χρόνωι καθότι προγέγραπται ἀποτεισάτωσαν ἐν τῆι ἐχομένηι ἡμέραι παραχρῆμα τὰ τοῦ χαλκοῦ τάλαντα ε Β ἡμιόλιον καὶ τοῦ ὑπερπεσόντος χρόνου τόκους διδράχμους τῆς μνᾶς τὸν μῆνα ἕκαστον. ἔγγυοι ἀλλήλων εἰς ἔκτεισιν τῶν διὰ τοῦ δανείου τούτου πάντων αὐτοὶ οἱ δεδανεισμένοι, ἡ δὲ πρᾶξις ἔστω Ἐριενούφει ἔκ τε αὐτῶν καὶ ἐξ ἑνὸς καὶ ὁποτέρου οὗ ἂν βούληται καὶ ἐκ τῶν τούτοις ὑπαρχόντων πάντων καθάπερ ἐκ δίκης.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- without highlights of Gods (add)
- without highlights of Text Irregularities (add)
- with highlights of Dates (omit)
Letters only:
- without exclusive highlights of Formulae (add)