p.ryl.2.138

Γαίωι Ἐρρίωι Πρίσκῳ ἐπιστάτῃ φυλακιτῶν παρὰ Σώτου τοῦ Μάρωνος τοῦ προεστῶτος τῶν τῶν Τιβερίου καὶ Λιβίας Δρούσου Καίσαρος τέκνων. Ὀρσενοῦφις Ἡρακλήου καὶ Ἡρακλῆς Πτόλλιδος ἐπαφέντες τὰ ἑαυτῶν πρόβατα εἰς τὰ νεόφυτα τῶν ἐλαιώνων τῆς αὐτῆς οὐσίας ἐν τῶι Δρομῖ κατενέμησαν? φυτὰ ἐλάινα διακόσια ἐν τοῖς πρότερον Φαλκιδίου, χωρὶς δὲ τούτου κατέλαβα τοῦτον διὰ νυκτὸς ἡλμένον ἐξ ὑπερβατῶν εἰς τὸ τῆς οὐσίας ἐποίκιον Δρομήως λεγόμενον καὶ ἐσύλησέν μου ἐν τῶι πύργωι ἱκανὰ ἀργαλεῖα, ἄμας ε, χορτοκοπικὰ ϛ, ἐρίων σταθμία ιε καὶ ἕτερα σκεύη, καὶ ἀργυρίου δραχμὰς σ ἃς εἶχον ἐν τῶι ἐποικίωι εἰς ἀγορασμὸν γενῶν. διὸ ἀξιῶ ἀχθῆναι τὸν ἐγκαλούμενον ἐπὶ σὲ ἵνα τύχω τῶν δικαίων. εὐτύχει. ἔτους κ Τιβερίου Καίσαρος Σεβαστοῦ Ἐπὶφ κβ.