p.oxy.42.3015

[--------------------]
[---][..][---] [.][---]υσι κάλλιστόν ἐστιν αὐτοὺς δικαιοδοτεῖν πρὸς τοὺς Αἰγυπτίων νόμους ἐφʼ οἷς ἔξεστι καὶ μεταδιατίθεσθαι. καλῶς διέθετο ὁ τελευτήσας. ἔτους ιβ θεοῦ Τραιανοῦ Παχὼν ιγ. Ἄρειος καὶ Σαραπίων ἀμφότεροι Πτολεμαίου πρὸς Ἀθηνόδωρον καὶ Ἀπολλώνιον · ἐκ τῶν ῥηθέντων · Σουλπίκιος Σίμιλις πυθόμενος Ἀρτεμιδώρου τοῦ ἐξηγουμένου τοὺς νόμους περὶ τοῦ πράγματος καὶ συνλαλήσας τοῖς συμβούλοις ἔφη · Αἰγύπτιος εἶχεν ἐξουσίαν καθὼς βούλεται διαθέσθαι. ἔτους [..] θεοῦ Τραιανοῦ Τῦβι κ ἐπὶ τῶν κατὰ Τρύφωνα πρὸς Διδ[.....] μεθʼ ἕτερα · Σουλπίκιος Σίμιλις συνλαλήσας τοῖς συνβούλοις καὶ ἀνακοινωσαμένος Ἀρτεμιδώρῳ νομικῷ ἔφη · λέγεται [....] [..] οὔτε ἡ γυνὴ ἐφʼ ἧς καινότερόν τι συνεφώνησεν ὁ πατὴρ τοῦ γαμοῦντος οὔτε οἱ υἱοὶ αὐτῆς περίεισι οἷς ἐδύνατο κατέχεσθαι τὰ κατὰ τὴν συμφωνίαν, ἄκυρόν ἐστιν ἤδη τοῦτο τὸ γράμμα. ὁ δὲ νόμος ὡς λέγεται δίδωσιν ἐξουσίαν τῶι τὸ πανπράσιον οἰκονομήσαντι καὶ κατασχόντα τοῖς τέκνοις τὰ ἴδια ἐκλέξασθαι ἐξ αὐτῶν ἕνα καὶ κληρονόμων ποιῆσαι. οὐκουν παραπεσούσης τῆς δευτέρας ἀσφαλείας εἰς τὴν προτέραν ἀνέκαμψεν τὸ δίκαιον. ἐξῆν αὐτῶ ὡς ἐβούλετο διαθέσθαι κληρονόμους καταλιπόντι τοὺς παῖδας αὐτοῦ ἐφʼ οἷς ἐποιήσατο τὸ πανπράσιον.