sb.10.10249

ἔτους πέμπτου Νέρωνος Κλαυδίου Καίσαρος Σεβαστοῦ Γερμανικοῦ Αὐτοκράτορος, Παῦνι [.] ἐν Ὀξυρύγχων πόλει τῆς Θηβαίδος. ἐδάνεισεν Ἀντιφάνης Ἡρακλᾶτος τῶν ἀπʼ Ὀξυρύγχων πόλεως Τρύφωνι Διονυσίου τῶν ἀπὸ τῆς αὐτῆς πόλεως Πέρσηι τῆς ἐπιγονῆς, ἐν ἀγυιᾶι, ἀργυρίου Σεβαστοῦ καὶ Πτολεμαικοῦ νομίσματος δραχμὰς ἑκατὸν ἑξήκοντα κεφαλαίου, αἷς οὐδὲν τῶι καθόλου προσῆκται. ἀποδότω δὲ ὁ δεδανεισμένος Ἀντιφάνει τὰς τοῦ ἀργυρίου δραχμὰς ἑκατὸν ἑξήκοντα τῆι τριακάδι τοῦ Σεβαστοῦ μηνὸς τοῦ εἰσιόντος ἕκτου ἔτους Νέρωνος Κλαυδίου Καίσαρος Σεβαστοῦ Γερμανικοῦ Αὐτοκράτορος, χωρὶς πάσης ὑπερθέσεως ἐφʼ ᾧ ἐπάναγκον ἐπὶ τῇ τοῦ ἀργυρίου ἀποδόσει ποιήσει ὁ Ἀντιφάνης περιαιρεθῆναι τὸν ἑαυτοῦ υἱὸν Ἀντιφάνην ἀφήλικα ἀφʼ ὧν πέπρακεν ὁ δεδανεικὼς Ἀντιφάνης τῷ Τρύφωνι ὄντων ἐπὶ τοῦ πρὸς Ὀξυρύγχων πόλει Σαραπιείου ἐν τῆι τῶν Ποιμένων λεγομένῃ λαύρᾳ, καὶ ἐφʼ ἑτέρου τόπου τοῦτον ἀναγραφῆναι, τῶν τῆς μεταποιῆς καὶ ἀπογραφῆς δαπανημάτων ὄντων πρὸς τὸν δεδανεικότα Ἀντιφάνην. ἐὰν δὲ τῆς μεταποιῆς γενομένης μὴ ἀποδῷ ὁ δεδανεισμένος καθὰ γέγραπται, ἐκτεισάτωι τῶι Ἀντιφάνει [..............................] [.]νας κ[.]εαν καὶ τοῦ ὑπερπεσόντος χρόνου τοὺς καθήκοντας τόκους, τῆς πράξεως οὔσης τῶι δεδανεικότι Ἀντιφάνει ἔκ τε τοῦ δεδανεισμένου καὶ ἐκ τῶν ὑπαρχόντων αὐτῷ πάντων καθάπερ ἐκ δίκης, ἐξόντος τῶι δεδανεικότι Ἀντιφάνει [..............] τῆς προθεσμίας τὴν τοῦ υἱοῦ μεταποιὴν [..........] ἀποδώσει ὁ δεδανεισμένος [.][---]εσομένηι μ[.] ἐπὶ τὸ προκείμενον δάνειον μὴ ἐλαττουμένου τοῦ Τρύφωνος ἐν τῆι ἐξακολουθούσῃ εἰς Ἀντιφάνην βεβαιώσει ὧν ἠγόρασεν παρʼ αὐτοῦ [....] ἀκολούθως τῇ εἰς αὐτὸν [..] [.][---] [.] ἔτους ε Νέρωνος Κλαυδίου Καίσαρος Σεβαστοῦ Γερμανικοῦ Αὐτοκράτορος Παῦνι [........]ποφιωνι