pap.choix.21

ἐμίσθωσεν Αὐρήλιος Θέων ὁ καὶ Νεικάμμων ἱερονίκης ἐξ ἐφηβείας τῆς Ὀξυρυγχειτῶν πόλεως Αὐρηλίῳ Φιλώτᾳ Μέλανος μητρὸς Φιλωτέρας ἀπὸ Σενοκώμεως εἰς ἔτη δύο ἀπὸ τοῦ ἐνεστῶτος ζ ἔτους τὰς ὑπαρχούσας τῇ θυγατρὶ αὐτοῦ Αὐρηλίᾳ Ἀθηνοδώρᾳ τῇ καὶ Ὡριγενείᾳ προγεωργουμένας ὑπὸ τοῦ μεμισθωμένου περὶ Σενόκωμιν ἀρούρας δύο τῷ ἐνεστῶτι ζ ἔτει ξυλαμῆσαι χλωροῖς φόρου ἀποτάκτου δραχμῶν ἑκατὸν, τῷ δὲ εἰσιόντι η ἔτει σπεῖραι πυρῷ ἐκφορίου ἀποτάκτου πυροῦ ἀρταβῶν δώδεκα ἀκίνδυνα πάντα παντὸς κινδύνου τῶν τῆς γῆς δημοσίων ὄντων πρὸς τὸν γεοῦχον κυριεύοντα τῶν καρπῶν ἕως τὰ κατʼ ἔτος ὀφειλόμενα ἀπολάβηται. ἐὰν δέ τις, ὃ μὴ εἴη, τῷ ἑξῆς χρόνῳ ἄβροχος γένηται, ἐπαντλήσει ὁ μεμισθωμένος ἐπάναγκες ἰδίαις ἑαυτοῦ δαπάναις καὶ τέλεσι δίμοιρον μέρος τῶν ἐπὶ νιλοβρόχου ἐκφορίων καὶ φόρων. βεβαιουμένης δὲ τῆς μισθώσεως ἀποδότω ὁ μεμισθωμένος τὰ ὀφειλόμενα κατʼ ἔτος μηνὶ Παῦνι, τὸν δὲ πυρὸν ἐφʼ ἅλω Σενοκώμεως νέον καθαρὸν ἄδολον ἄβωλον ἄκριθον κεκοσκινευμένον μέτρῳ ἕκτῳ τοῦ γεούχου τῶν παρʼ αὐτοῦ μετρουμένων, γεινομένης τῆς πράξεως ἐκ τε τοῦ μεμισθωμένου καὶ ἐκ τῶν ὑπαρχόντων αὐτῷ πάντων. κυρία ἡ μίσθωσις καὶ ἐπερωτηθεὶς ὡμολόγησα. ἔτους ζ Αὐτοκρατόρων Καισάρων Πουπλίου Λικιννίου Οὐαλεριανοῦ καὶ Πουπλίου Λικιννίου Οὐαλεριανοῦ Γαλλιηνοῦ Γερμανικῶν μεγίστων Εὐσεβῶν Εὐτυχῶν καὶ Πουπλίου Λικιννίου Κορνηλίου Σαλωνίνου Οὐαλεριανοῦ τοῦ ἐπιφανεστάτου Καίσαρος Σεβαστῶν [.........] Αὐρήλιος Φιλώτας μεμίσθωμαι καὶ ἀποδώσω ὡς πρόκειται [...]ίων ἔγραψα ὑπὲρ αὐτοῦ ὄντος ἀγραμμάτου.