p.dura.26_1

ἐπρίατο Ἰούλιος Δημήτριος, πάλαι στρατιώτης σπείρης γ Σεβαστῆς, οἰκῶν ἐν Ῥακουκαίθα, παρὰ Ὀταρναίου Ἀβαδάβου κώμης Σαχαρηδα|hyphen|αουαράη τὴν ὑπάρχουσαν αὐτῷ χώραν κειμένην ἐν ὁρίοις τῆς αὐτῆς κώμης, ἣν ἐώνηται παρὰ Ἁββειβᾶ συνκωμήτου αὐτοῦ ἐν τόπῳ ἐπικαλουμένῳ Ζαιρα|hyphen|δα|hyphen|σαχαράη, ὅσου ἐστὶν μέτρου, ἐπικαλουμένην Καρκαφά, δηναρίων ροε.

p.dura.26_2

ἐπὶ ὑπάτων Νουμμίου Ἀλβείνου καὶ Λαιλίου Μαξίμου, πρὸ ἑπτὰ Καλανδῶν Ἰουνίων, ἐπὶ τῶν ἐπιβεβλημένων καὶ ἐσφραγισμένων ἀνδρῶν ἐν Σαχάρῃ παραχειμασίᾳ σπείρης γ Σεβαστῆς Θρᾳκῶν. ἐπρίατο Ἰούλιος Δημήτριος πάλαι στρατιώτης σπείρης τῆς προγεγραμμένης, οἰκῶν ἐν Ῥακουκαίθα, παρὰ Ὀταρναίου Ἀβδάβου κώμης Σαχαρη|hyphen|δα|hyphen|αουαράη τὴν ὑπάρχουσαν αὐτῷ χώραν κειμένην ἐν ὁρίοις τῆς αὐτῆς κώμης, ὅσου ἐστὶν μέτρου, ἣν ἐώνηται παρὰ Ἁββειβᾶ Βωζάνου συνκωμήτου αὐτοῦ, ἐν Ζαιρα|hyphen|δα|hyphen|σαχαράη ἐν τόπῳ ἐπικαλουμένῳ Καρκαφθά, σὺν εἰσόδῳ καὶ ἐξόδῳ καὶ τοῖς ἐνοῦσι δένδροις καρποφόροις τε καὶ ἀκάρποις καὶ παντὶ δικαίῳ τῆς αὐτῆς χώρας, τιμῆς ἀργυρίου δηναρίων ἑκατὸν ἑβδομήκοντα πέντε, ἣν τιμὴν ἀπέσχεν ὁ πεπρακὼς παρὰ τοῦ ἐωνημένου καὶ τὴν χώραν αὐτῷ ἔδωκεν εἰς τὸ ἔχειν αὐτὸν κυρίως καὶ βεβαίως εἰς τὸν ἅπαντα χρόνον κτᾶσθαι χρᾶσθαι πωλεῖν διοικεῖν τρόπῳ ᾧ ἂν αἱρῆται, γείτονες τῆς αὐτῆς χώρας ἀπὸ μὲν ἀνατολῶν κανάλιν ὕδατος καὶ Ἁβούρα ποταμός, δυσμῶν ἄμπελος τοῦ ἠγορακότος, νότου Ἀβδελάθ, βορρᾶ αὐτοῦ ἐστι τοῦ ἠγορακότος καὶ Ἀβδελάθ, εἰ δέ τις λήθη ἤ ἐστιν ἢ ἐγένετο ἐν ταῖς γειτνίαις, οὐκ ἔσται ἀντίρρημα, ἦν δὲ πρὸ τούτου ἐν τῇ αὐτῇ χώρᾳ στελέχη ἀμπέλων ἑξακόσια · τοῦ πεπρακότος παρεχομένου τῷ ἠγορακότι τὸ αὐτὸ ἀγόρασμα ἀνέπαφον καὶ ἀνεπιδάνειστον καὶ ἀναμφισβήτητον πάσης ἀμφισβητήσεως καὶ καθαρὸν ἀπὸ παντὸς ἀντιποιουμένου, ἐὰν δὲ μὴ παράσχηται ἀκολούθως, ἐνποιηθεὶς δέ τις ἐκνικῆται τὸ αὐτὸ ἀγόρασμα ἢ μέρος αὐτοῦ, ὁ πεπρακὼς διαδικήσει καὶ καθαροποιήσει τῷ ἐωνημένῳ, εἰ δʼ οὐ, ἐκτείσει αὐτῷ τὴν τιμὴν διπλῆν καὶ τὸ βλάβος ὁμοίως · τοῦ ἠγορακότος διδοῦντος πᾶν τὸ ἐπιβάλλον τῇ αὐτῇ χώρᾳ εἰς λόγον κυριακοῦ καὶ κωμητικῆς ὑπηρεσίας · κυρίας οὔσης τῆσδε τῆς ὠνῆς πανταχοῦ προφερομένης. πίστει ἐπηρώτησεν ὁ ἠγορακὼς καὶ πίστει ὡμολόγησεν Ὀταρναῖος ὁ πεπρακώς. ____ Αὐρῆλις Σαλμάμες, οὐετρανός, ἐρωτηθεὶς ἔγραψα ὑπὲρ Ὀταρναίου Ἀβαδάβου ἀγραμμάτου, ὁμολογουμένου ἀποδόσθαι τὴν ὑπάρχουσαν αὐτῷ χώραν καὶ ἀπεσχηκέναι δηνάρια ἑκατὸν ἑβδομήκοντα πέντε καὶ εὐδοκεῖν κατὰ τὰ προγεγραμμένα. ____

p.dura.26_3

Flavis Serapeio nuntius. signavi Ἰούλιος Δειογένης κορνικουλάριος μαρτυρῶ Claudius Theodorus optio signavi Iulius Monimus tesserarius signavi Vepo Flavianus tubicen signavi