psi.13.1338

ἐπὶ ὑπάτων τῶν κυρίων Αὐτοκρατόρων Διοκλητιανοῦ καὶ Μαξιμιανοῦ σεβαστῶν Αὐρηλίᾳ Διογενίδι τῇ καὶ Τουρβιαίνῃ ματρώνᾳ στολάτᾳ παρὰ Αὐρηλίου Θέωνος Θέωνος μητρὸς Ἡλένης ἀπὸ τῆς λαμπρᾶς Ὀξυρυγχιτῶν πόλεως. ἑκουσίως ἐπιδέχομαι μισθώσασθαι ἐφʼ ἐνιαυτὸν ἕνα ἀπὸ ?νεομηνίας τοῦ ἑξῆς μηνὸς Ἁθὺρ τοῦ ἐνεστῶτος ιϛ ἔτους καὶ ιε ἔτους τὰ ἔργα πάντα καὶ ἐπαρδίαν καὶ βοτανολογίαν τῆς κατατιθεμένης νέας ἀμπέλου ἐν ἀμπελικῷ σου χωρίῳ περὶ κώμην [...............] κλήρου ἐφʼ ᾧ τε με [..................] διὰ μὲν χειμῶνος λάχανα ἐδώδιμα διὰ δὲ θέρους σικύρατα καὶ κολοκυνθῶνας τῶν [.]νους τῆς ἀμπέλου ποτισμούς [........................................] ἀπὸ δὲ νεομηνίας Φαρμοῦθι ἕως εβ[...]ια Φαῶφι [........] τεταρποι καὶ τελέσαι μοι ὑπὲρ φόρου ἑκάστης ἀρούρης ἐκ γεωμετρίας ἀργυρίου δραχμὰς χιλίας διακοσίας ποιοῦντός μου καὶ τὴν ὑπηρεσίαν τῶν κατὰ καιρὸν κατατιθεμένων ἀφʼ οὗ ἐὰν γένηται ἄχρις οὗ ἐκλίπῃ. βεβαιωμένης τῆς ἐπιδοχῆς ἐπάναγκες ἐπιτελέσω τὰ τῆς ἀμπέλου κατὰ καιρὸν ἔργα πάντα καὶ τὴν ἐπαρδίαν καὶ βοτανολογίαν καὶ ἀποδώσω τὰ μὲν τῆς ἐργασίας ἕκαστα τῷ δέοντι καιρῷ τόν τε φόρον τῷ Παοῖνι μηνὶ καὶ μετὰ τὸν χρόνον παραδώσω τὴν ἄμπελον ἐπιμεμελημένην πάσῃ ἀμπελουργικῇ ἐπιμελείᾳ καὶ εὐθαλοῦσαν καὶ ζωγονοῦσαν τῶν παρεχομένων μοι μοσχευμάτων ἀντὶ τῶν διαπνεόντων ἐμοῦ τὴν κατάθεσιν ποιουμένου ἀμισθὶ γενομένης σοι τῆς πράξεως παρά τε ἐμοῦ ὡς καθήκει. κυρία ἡ ἐπιδοχὴ καὶ ἐπερωτηθεὶς ὡμολόγησα. καὶ ιϛ ἔτους καὶ ιε ἔτους τῶν κυρίων ἡμῶν Διοκλητιανοῦ καὶ Μαξιμιανοῦ σεβαστῶν καὶ η ἔτους τῶν κυρίων ἡμῶν Κωνσταντίου καὶ Μαξιμιανοῦ τῶν ἐπιφανεστάτων Καισάρων Φαῶφι ιγ. Αὐρήλιος Ὡρίων προνοητής [....] τουτο[....]