TM 17503
(text of Papyri.info of September 2016)
Hover on a word for more info. Click on it to go to the detail page of the lemma.
p.oxy.17.2120
Αὐρήλιος Ἱέραξ ὁ καὶ Μέλας [.] καὶ ὡς χρηματίζω, Ἀλεξανδρεὺς γεουχῶν ἐν Ὀξυρυγχείτῃ νομῷ ἐν κώμῃ Σέσφθα, Αὐρηλίῳ Σαραπίωνι τῷ καὶ Ἀπολλωνιανῷ στρατηγῷ Ἑρμοπολείτου χαίρειν. ἐπεὶ ἐβοήθησα πράξας τὸ σιτικὸν τοῦ νομοῦ τοῦ ὑπὸ σοὶ ὑπὸ Ἀπολλώιον τὸν ἡγούμενόν σου, ὀμνύω τὴν τῶν κυρίων ἡμῶν Αὐτοκρατόρων Καίσαρος Μάρκου Αὐρηλίου Ἀντωνίνου Εὐσεβοῦς Εὐτυχοῦς καὶ Μάρκου Αὐρηλίου Ἀλεξάνδρου Καίσαρος Σεβαστῶν τύχην παραμεῖναί σοι καὶ μὴ ἀποστῆναι τῆς Ἑρμοῦ πόλεως ἔστʼ ἂν πᾶσάν μου τὴν πρᾶξιν παραστήσω σοι ὑγιῶς καὶ μετὰ πάσης πίστεως διαπραξάμενος, ἢ ἔνοχος εἴην τῷ ὅρκῳ. Αὐρήλιος Ἱέραξ ὁ καὶ Μέλας ὁ προγεγραμμένος τὸ σῶμα ἰδιόγραφον ἔγραψα καὶ ὤμοσα τὸν ὅρκον. ἔτους ε Αὐτοκράτορος Καίσαρος Μάρκου Αὐρηλίου Ἀντωνίνου Εὐσεβοῦς Εὐτυχοῦς καὶ Μάρκου Αὐρηλίου Ἀλεξάνδρου Καίσαρος Σεβαστῶν, Χοίακ κθ.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- with highlights of People (omit)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)