TM 19632
(text of Papyri.info of September 2016)
Hover on a word for more info. Click on it to go to the detail page of the lemma.
p.brem.48
Ἡρώδης Ἡρακλείωι τῶι τιμιωτάτωι χαίρειν. γίνωσκέ με τῆι τρίτηι μηνὸς κατηντηκέναι εἰς Ἀλεξάνδρειαν καίπερ πολλὰ ἐκινδύνευσα ἀπὸ χειμῶνος σφοδροῦ κατὰ τοῦ βίου, ἀναδεδωκέναι δὲ αὐτῆι τῆι τρίτηι Ἀπίᾳ τὴν ἀπὸ τοῦ φίλου Ἀπολλῶτος ἐπιστολήν, ἧι εἶπον ὅτι κατὰ πάροδον ἀκούσας ὁ Ἀχιλλεὺς ὁ μέλλοντός μου φίλωι περὶ τοῦ καταπλεῖν ἐγγὺς ὡς ἀκηκοότος τὸν υἱὸν ἀσθενεῖν καὶ νῦν φημι σὺν θεῶι αὐτὸν ἐρρωμένον. ἐρωτῶ σε οὖν [....] Ἀχιλλεῖ, ὃ ἂν δόξῃ σοι, [..] με ἀναδεδωκότα τὴν ἐπιστολὴν [.]μοι, μεθʼ ἡμέρας δὲ [.] προσκαρτερεῖν αὐτῆι, ἵνα λάβω ἀντιφώνησιν. συνέτυχον δὲ καί μου ἀδελφῶι Ἱερακίωνι, ὡς ἔγραψά σοι διὰ Κάστορος τοῦ φίλου. εἴ με ἀπηρτίκει ἡ Κλαυδία Ἀπία τῆι ἀντιφωνήσει, οὐκ εἶχον ὑπόθεσιν ἐνθάδε ῥέμβεσθαι. ὑπομιμνήσκω δέ σε περὶ τῆς ξυλείας τῆς οἰκοδομῆς, εἴ πως δυνασθήσεις ἀπὸ τοῦ Ὀξυρυγχείτου ἀπηρτισμένην ὠνήσασθαι, ἵνα μὴ ἐμπέσωμεν ὕστερον εἰς τοὺς χειροτέχνας. γίνωσκε δέ, ὅτι ἐκ διεραμάτων σπουδαίως κατῆλθον πολλοῦ ναύλου. πρὸ πάντων αὔριον τὸ προσκύνημά σου ποιήσω ἐν τῶι Σαραπείωι, ἐπεὶ σήμερον οὐκ ἀνέβην ἀπὸ ἁδρῶν σκυλμῶν καὶ κινδύνων. ἔρρωσο, φίλτατε. Ἁθὺρ γ ὥρᾳ η. Ἱερακίων ἀσπάζομαί σε, γλυκύτατε. Ἡρακλείωι ἐπιτρόπωι Ἀπολλωνίου στρατηγοῦ.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)