p.brem.63_1

Εὐδαιμονὶς Ἀλίνηι τῆι θυγατρὶ χαίρειν. εὔχομαί σε πρὸ πάντων εὐκαίρως ἀποθέσθαι τὸ βάρος καὶ λαβεῖν φάσιν ἐπὶ ἄρρενος. τῆι κθ ἀνέπλευσας καὶ τῆι ἑξῆς κατέσπακα. μόγις ἔλαβον ἀπὸ τοῦ βαφέως τῆι ι τοῦ Ἐπείφ. συνεργάζομαι δὲ ταῖς παιδίσκαις σου κατὰ τὸ δυνατόν. οὐχ εὑρίσκω τὰς δυναμένας συνεργάζεσθαι ἡμῖν, ἅπα?σα?ι γὰρ ταῖς ἰδίαις κυρίαις ἐργάζονται. περιώδευσαν γὰρ οἱ ἡμῶν ὅλην τὴν πόλιν προσσπεύδοντες πλέον μισθόν. ἡ ἀδελφή σου Σουεροῦς ἀπέθετο τὸ βάρος. ἔγραψέ μοι Τεεῦς εὐχαριστοῦσα ὑμῖν, ὥστε, κυρία, ἔγνων ὅτι αἱ ἐντολαί μου μενοῦσι. πάντας γὰρ τοὺς αὑτῆς καταλείψασα συνεξώρμησέ σοι. ἀσπάζεταί σε ἡ μικρὰ καὶ προσκαρτερεῖ τοῖς μαθήμασι. ἴσθι δὲ ὅτι οὐ μέλλω θεῶι σχολάζειν, εἰ μὴ πρότερον ἀπαρτίσω τὸν υἱόν μου. εἰς τί μοι ἔπεμψας τὰς κ δραχμὰς, ὅτε οὐκ εὐκαιρῶ; ἤδη πρὸ ὀφθαλμῶν ἔχω, ὅτι γυμνὴ μενῶ τὸν χειμῶνα. ἔρρωσο. Ἐπεὶφ κβ. ἡ γυνὴ Εὐδήμου ἀκίνητός μου ἐστὶν καὶ χάριν ἔχω αὐτῆι.

p.brem.63_2

Ἀλίνηι ╳ θυγατρί