TM 2027
(text of Papyri.info of September 2016)
Hover on a word for more info. Click on it to go to the detail page of the lemma.
psi.4.333_1
Προμηθίων Ζήνωνι χαίρειν. συνέβη ἡμῖν ἀγωνιᾶσαι ἀκούσαντας ἐπὶ πλείονα χρόνον ἑλκυσθῆναί σε ἐν ἀρρωστίαι, νυνὶ δὲ ἀκούσαντές σε ὑγιαίνειν καὶ εἶναι ἤδη πρὸς τῶι ἀναλαμβάνειν, ἥσθημεν · ὑγιαίνομεν δὲ καὶ αὐτοί. ἐδώκαμεν πρότερον Ἡρακλείδει τῶι παρʼ ὑμῶν ἐκ τοῦ σοῦ λόγου, καθάπερ ἡμῖν ἔγραψας, ἀργυρίου δραχμὰς ρν, κομίζει δὲ νυνὶ μύρου ἵνια ι ἐν ἀλαβάστροις κα, οἵ εἰσιν ἐσφραγισμένοι τῶι ἐμῶι δακτυλίωι. ἐπέστειλε γάρ μοι Ἀπολλώνιος πριάμενον δοῦναι τούτωι καὶ στεφάνους βαλαυστίνων τ. οὐκ ἔφθημεν οὖν αὐτῶι τούτους συνδο?ῦναι? διὰ τὸ μὴ εἶναι ἑτοίμους. εἰς δὲ Ναύκρατιν αὐτῶι παροίσει · Πα[..] πρὸ γὰρ τῆς λ συντελεσθήσονται. τὴν δὲ τιμὴν τούτων τε καὶ τοῦ μύρου ἐκ τοῦ λόγου ὑμῶν διαγεγράφαμεν, καθάπερ Ἀπολλώνιος ἔγραψεν. δεδώκαμεν δὲ καὶ τοῦ πλοιαρίου ἐν ὧι ἀναπλεῖ ναύλον χαλκοῦ δραχμὰς ι. διαγέγραπται δὲ καὶ Ἰατροκλεῖ εἰς χάρτας τοὺς συντελουμένους ἐν Τάνει ὥστε Ἀπολλωνίωι ἀργυρίου δραχμὰς υ. ταῦτα μὲν οὖν ἐπίστω οὕτως διοικημένα. σὺ δὲ καλῶς ἂν ποιοῖς ἐπιστέλλων , ἐάν τινος τῶν καθʼ ἡμᾶς χρείαν ἔχηις. ἔρρωσο. ἔτους κθ , Χοίαχ κη.psi.4.333_2
ἔτους κθ, Περιτίου γ. Προμηθίων ὧν δέδωκεν. Ζήνωνι.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- with highlights of Gods (omit)
- without highlights of Text Irregularities (add)
- without highlights of Dates (add)
Letters only:
- with exclusive highlights of Formulae (omit)