TM 20894
(text of Papyri.info of September 2016)
Hover on a word for more info. Click on it to go to the detail page of the lemma.
p.coll.youtie.2.73
βιβλιοφύλαξι ἐγκτήσεων Πανοπολίτου παρὰ Αὐρηλίας Σενπάσειτος Πάσειτος μητρὸς Τανσνῶτος ἱερείας ἀπὸ Πανὸς πόλεως. ἀπογράφομαι παρʼ ὑμῖν σήμερον δίκαιον ὠνῆς μέρους δεκάτου τριακοστοῦ οἰκίας σὺν τῷ ἀνήκοντι ταύτηι χρηστηρίωι ἐπὶ τοῦ β ἀμφόδου Πανὸς πόλεως πρότερον Ἁρσύτου καὶ ὁμοίως ἀρούρης μιᾶς ἐν πεδίῳ Μαρίωνος ἐκ λιβὸς θυγατέρων Διοσκόρου Καλυκᾶ τεθειμένης μοι κατʼ ἔγγραφον δισσὴν ἀσφάλειαν τῷ ζ ἔτει Πρόβου μηνὸς Παῦνι παρὰ Αὐρηλίας Ἀρτεμιδώρας Βησαρίωνος νεωτέρου μητρὸς Εὐδαιμονίδος διʼ Αὐρηλίου Εὐδαίμονος τοῦ καὶ Φιλοπάτορος ἀνδρὸς αὐτῆς ἀπὸ τῆς αὐτῆς, δημοσιωθείσης ὑπʼ ἐμοῦ τῶι ἐνεσῶτι ε ἔτει καὶ δ ἔτει μηνὶ Παῦνι διὰ τοῦ ἐν Ἀλεξανδρείαι καταλογείου ἐπὶ Κλαυδίου Φιλώτα τοῦ καὶ Ἱέρακος ἱερέως καὶ ἀρχιδικαστοῦ, καὶ ἀξιῶ, ἀναδοῦσα ὑμῖν ἐν ἐκτάκτῳ τὴν δημοσίωσιν, τὴν δέουσαν παράθεσιν τῶι ὀνόματί μου γενέσθαι ὡς καθήκει, καὶ ὀμνύω τὴν τῶν κυρίων ἡμῶν Διοκλητιανοῦ καὶ Μαξιμιανοῦ Σεβαστῶν τύχην ἀληθῆ εἶναι τὰ προκείμενα. ἔτους ε καὶ δ τῶν κυρίων ἡμῶν Διοκλητιανοῦ καὶ Μαξιμιανοῦ Σεβαστῶν Μεσορὴ ἐπαγομένων δ Αὐρηλία Σενπᾶσις Πάσιτος ἡ προκειμένη ἀπογράφομαι ὡς πρόκειται. ἔγραψα ὑπὲρ αὐτῆς Αὐρήλιος Πετεαρβεσχῖνις Ὡρῶτος ἱερεὺς ἀνὴρ αὐτῆς. Αὐρήλιος Ἱέραξ ὁ καὶ Μῶρος γυμνασιαρχήσας βιβλιοφύλαξ ἔσχον τούτου τὸ ἴσον εἰς καταχωρισμὸν κινδύνωι τῆς ἀπογραψαμένης.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- with highlights of Gods (omit)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)