p.coll.youtie.2.92

[⳨] [βασιλε]ί̣[ας] κ̣α̣ὶ̣ [ὑ]π̣α̣τ̣ε̣ία̣[ς] [τοῦ] θ̣ε̣ι̣ο̣τ̣[ά]τ̣ου ἡ̣μ̣ῶ̣ν̣ δ̣ε̣σ̣[πότο]υ̣ Φ̣λα[υί]ο̣υ Ἰουσ̣τίνο̣υ̣ τοῦ̣ αἰωνίου Αὐγούστου Αὐ̣τοκράτορος ἔ̣τ̣[ου]ς̣ [τ]ε̣τάρτου Παχὼν εἰκὰς ἀρχῆς τρίτης ἰνδικ(τίονος) ἐν Ἀντι(ν)ό(ου) πόλε(ι) τῇ̣ λ̣α̣μ̣π̣[ρ]ο(τάτῃ) Φ̣λαυ̣ίῳ Ἑλλαδίῳ τῷ λαμπροτάτῳ σκρινιαρίῳ τῆς κα̣τ̣ὰ̣ [Θ]ηβαίδα λαμπρᾶς δουκι̣κῆς τάξ̣ε̣ως, υἱῳ τοῦ τῆς ἀρίστ̣ης̣ [μ]ν̣ήμης ____ ὁρμωμένῳ ἀπ̣ὸ τῆς Π̣α̣ν̣ο̣πολιτ̣ῶ̣ν̣ [κ]αλ̣[λ]ι̣πόλεως, παρʼ ἐμοῦ παρούσης Μάρθας, θυγατρὸς Μηνᾶ̣ [ἐ]κ μητρὸς Θέκλας, τ̣αριχο̣π̣ρατίσ̣σης, ὁρμωμένης καὶ αὐτ̣ῆ̣[ς] [ἀπ]ὸ̣ τῆς Ἀν̣τι̣ν̣ό(ου) πόλεω̣ς, χω̣ρ̣ὶς κυ̣ρ̣ί̣ο̣υ ἀνδρὸς χ[ρ]ηματιζο̣ύ̣σης, πα̣ρ̣ε̣χ̣ο̣ύ̣[σης] [δὲ] [ὑ]πογ̣ραφέα ὑπὲρ ἑ̣α̣υτῆς καὶ μά̣ρτυρας τ̣[ο]ὺς ἑ̣ξ̣ῆ̣ς̣ ὑ̣πογρ̣άφοντ̣[ας] [τῇ] π̣α̣ρ̣ούσᾳ* ὑποθηκι̣μαίᾳ συγγραφῇ ἐπ̣ὶ τοῖς ἐφε̣ξ̣ῆς δ̣ηλ[ο]υ̣[μένοις] [συ]μ̣φ̣ώνο̣ις ἐφʼ αἷς περιέχ̣ει διασ̣τολαῖς ἁπάσα̣ις, χ̣αίρ(ειν). τ̣ο̣ῦ̣ ἐ̣μο̣ῦ πα̣τ̣ρ̣[ὸς] τ̣ῇ̣ ἐ̣σ̣χ̣ά̣τῃ περι̣πε̣πτωκότ̣ο̣ς̣ π̣ε̣ν̣ί̣ᾳ̣, κα̣ὶ ε̣ὐ̣πό̣ρ̣η̣σ̣ε̣[.]ε̣[---] τ̣[...]τ̣αυτ⟦ο̣⟧\η̣/ πάλαι ὄντος πρ̣ὸ τ̣ο̣ῦ̣ τὸν ἑαυτοῦ̣ βί̣ον ἀπολειτο̣υ̣ρ̣γ̣ῆσ̣α̣ι̣, Μηνᾶ ὀνόματι ἐπιλεγομένο[υ] Περ̣ιχύτου, καὶ ἐξ̣ ἀ̣ν[ά]γ̣κη̣ς ὑποτεθε̣ι̣κ̣[ό]τ̣[ος] τότε τὴν ὑποδεεστέρα̣ν̣ μου ὀρφανικὴν ἀδελφὴν καλο̣υ̣μ(ένην) Πρόκλαν τῷ λαμπρ̣ο(τάτῳ) κυρίῳ Νόν[ν]ῳ εἰς χρυ̣σ̣οῦ νο̣μισμ̣άτιο̣ν ἓν ἀ̣κολο̣ύ̣θ̣ως τῷ̣ γεναμ(ένῳ)* π̣α̣ρʼ αὐτοῦ τηνι̣καῦτα τῷ λαμπρο(τάτῳ) ἀνδ̣ρ̣ὶ ὑποθηκιμαίῳ γραμματί̣ῳ̣*, καὶ μετὰ τὴν αὐτοῦ ἀποβ̣ίωσιν ἐν ταύταις πε̣[ρ]ιποιήσασα τέως ἐκ τοῦ ἐμοῦ ἐργοχείρου τὸ ἥμισυ τοῦ προειρημένου ἑνὸς ν̣ο̣μισμ(ατίου) ἀ̣ν̣αδέδωκα τῷ εἰρημ(ένῳ) ἀνδ̣ρ̣ί, βουλομέ̣νη ἀναλυτρώσασθαι τ̣ὴ̣ν ἐμὴν κ̣αταπονουμέ̣νην̣ ἀδελφήν, ἐγὼ ἡ προγεγραμμ(ένη) Μάρθα, καὶ μὴ εὐπορήσασα τῆς τούτου συ̣μ̣π̣λ̣[ηρώ]σεως, εὐτυχήσασα δὲ τὴν σὴν̣ λαμπρό(τητα) τῇ εἰς Θ(εὸ)ν ἀγάπῃ̣ κεκιν̣[ημέ]ν̣ην̣, π̣α̣ρ̣α̣κλήσεις α̣ὐτῇ προ̣σ̣ήγαγο̣ν̣ τὴν λοι̣π̣ά̣[δα] ταύτην ἐκδανίσασθαι* εἰς ἀναλύτρωσιν τῆς̣ αὐτῆς ὀρφανικ(ῆς) ἀδ̣ελφῆς̣, κατὰ τοῦτο̣ ὁ̣μολογῶ ἐγῶ ἡ αὐτὴ Μάρθα διὰ χ̣ιρὸς* ὑμῶν εἰς χῖ̣ρ̣ά̣ς* μου̣ ἀνειληφέναι καὶ δεδαν[ῖ]σθαι* παρʼ ὑμῶν ἅμα τὰ γενόμε(να) τῇ ἀσφα̣λείᾳ χρυ̣σ̣οῦ κεράτια ἐννέα ζ(υγ)ῷ δημο(σίῳ) Ἀντι(ν)ό(ου), γί(νεται) χρ(υσοῦ) κερ(άτια) θ ζ̣(υγ)ῷ̣ δ̣η̣(μοσίῳ) Ἀν̣τ̣ι(νόου), κα̣ὶ̣ τ̣ῇ θέ̣σ̣ε[ι] τῆς πίστεως καὶ ἀσφαλε̣ίας κα̣ὶ̣ ἀ̣ποδόσεως̣ καθαρᾶς καὶ ἀποκ̣ρ̣ό̣του̣ ὑποτίθημι ὑμῖν ἐντεῦθεν ἤδη καὶ ὑπεθέμην ἐνεχύρου λόγῳ κ̣α̣ὶ̣ ὑ̣π̣ο̣θ̣ήκη̣ς̣ δικαίῳ τὴν εἰρημέ(νην) μου ἀδελφὴν Πρόκλαν, ἐτῶν δεκαπέντε οὖσαν πλέον̣ ἢ ἔλαττον, ἐπὶ τῷ ταύτην εἶναι ἐν τῷ ὑμετέρῳ οἴκῳ ἐξ̣υ̣πηρετοῦσαν πάσαις δουλικαῖς ὑμῶν ὑπηρεσίαις τε καὶ χρείαις ἀναποστήτως* ἐλευθ̣[ερ]ι̣κῶς κα̣ὶ̣ ὑπο̣τακ̣τ̣ικῶς καὶ ὑπηκόως, ἀδόλως πάντα πράττουσαν δίχα π[ά]σ̣η̣ς ἀποφυγῆς καὶ κλοπῆς καὶ οἱασδήποτε ῥᾳδηουργίας*, κινδύνῳ ἐμῷ καὶ πό̣ρ̣ῳ̣ ε̣ἰ̣ς ταῦτα πάντα μέχρι ἐπίλυσεως τοῦ προκ(ειμένου) χ̣ρέους τ̣ῶν ἐννέα κερατίων χρυ̣σο̣ῦ̣, τρεφομένην μέντοι καὶ ἀμφιαζομένην, γενέσθαι ταύτην παρ̣ʼ ὑ̣μ̣ε̣ῖ̣ν* ἀκαταφρονήτως ἄχρι τῆ̣ς τουτῶν ἀπ̣οδόσεως, καὶ εἰς ὑμῶν ἀσφάλ(ειαν) π̣ε̣π̣οίημαι τοῦτο τὸ φιλικ̣ὸν γραμμάτι(ον)* ἐπὶ πᾶσι τοῖς ἐ̣γγεγραμμέ(νοις), καὶ ἐξεδόμην, καὶ ἐπε̣ρ̣[ωτηθ(εῖσα)] ὡ̣μ̣ο̣λ̣(όγησα). † Αὐρηλία Μάρθα θυ̣[γάτ]ηρ̣ Μηνᾶ τοῦ Πε̣ρ̣ιχύτου ἡ προγεγρ̣[α]μ̣μέ(νη) ἐθέμην ταύτην τὴν ὑποθ̣ή̣κ̣ην Πρόκλας τῆς̣ ἐμ̣ῆ̣ς̣ ἀδελφῆς ἀντὶ τῶν ἐννέα κερατίων χρυ̣σοῦ, καὶ ἀποδώ̣σω [ὡς] π̣ρόκ(ειται). Αὐρηλις̣* Β̣[ί]κ̣τ̣ω̣ρ̣ Ἰωάνν[ου] ἀ̣πὸ Ἀντινό̣[ου] π̣ό̣λ̣ε̣ως ἔ̣γ̣ρ̣[αψα] ὑ̣π̣ὲ̣ρ αὐτῆς γράμματα μὴ ῥᾳδί(ως) εἰδυίης ⳨ Αὐρ(ήλιος) Κολλοῦθος Κ̣α̣λλινίκου σύν Θ(εῷ) νοτάρ(ιος) μαρτ̣υ̣ρ(ῶ) τῇ ὑπ̣ο̣θ̣ή̣κ̣(ῃ) ἀ̣κ̣ο̣ύ̣σ̣ας παρὰ τῆς θεμένης. ⳨