p.heid.4.325

[......................] ἡγουμένῳ δημοσιώνῃ ξενικῆς πρακτορείας Ὀξυρυγχείτου διὰ Τίτου Μαλίου Διδύμου τοῦ καὶ Μαρκελλ… βοηθοῦ παρὰ Αὐρηλίου Διονυσίου Συρίωνος ἀγορανομήσαντος τῆς Ὀξυρυγχειτῶν πόλεως. οὗ ἐπόρισα ἐκ τοῦ καταλογείου χρηματισμοῦ ἐνεχυρασίας ἔστιν ἀντίγραφον. ὁ [---] ὁ καὶ Ἵππαρχος ὁ ἱερεὺς καὶ ἀρχιδικαστὴς ξενικῶν πράκτορι Ὀξυρυγχείτου χαίρειν. τῆς τετελειωμένης ἐνεχυρασίας τὸ ἀντίγραφον ὑπόκειται. ἔτους κγ Αὐρηλίου Σεουήρου Ἀντωνίνου Καίσαρος τοῦ κυρίου, Τῦβι ια. Αὐρήλιος [.........................] Δίδυμος σεσημείωμαι δραχμὰς δ. Αὐρήλιος [.] γραμματεὺς τοῦ καταλογείου τὴν οἰκονομίαν ἔγραψα. ἔτους κγ Αὐτοκράτορος Καίσαρος Μάρκου Αὐρηλίου Σεουήρου Ἀντωνίνου Παρθικοῦ μεγίστου Βρετανικοῦ μεγίστου Γερμανικοῦ μεγίστου Εὐσεβοῦς Σεβαστοῦ, Τῦβι [..]. ἀναγνωσθείσης ἐντεύξεως Διονυσίου Συρίωνος, τῶν δὲ διʼ αὐτῆς σημαινομένων ὑπομνημάτων περὶ δημοσιώσεως χειρογράφου ὡς καθήκει ὑπογεγραμμένων ἐπενηνεγμένων καὶ τοῦ λεγομένου διαπεστάλθαι Αὐρηλίου Θέωνος ὑπογεγραφότος διαπεστάλθαι πρὸς τὴν τοῦ χρηματισμοῦ τελείωσιν, συνεκρίναμεν γραφῆναι καὶ πεμφθῆναι τῆς ἐντεύξεως ἀντίγραφον τοῖς τοῦ Ὀξυρυγχείτου στρατηγῷ καὶ ξενικῶν πράκτορι, ἵνʼ, ἐὰν παρὼν ἐπʼ αὐτοὺς ὁ Διονύσιος εὐδοκῇ τούτοις καὶ προῆται τὴν καθήκουσαν χειρογραφίαν περὶ τοῦ ἀληθῆ εἶναι τὰ διὰ τῆς ἐντεύξεως δεδηλωμένα καὶ μηδὲν ὑπεναντίον οἰκονομῆσθαι μηδʼ ἔχειν τι εἰς τὰ πρασσόμενα, ἀπερίλυτον δὲ εἶναι τὴν ὀφειλήν, τὸ τηνικαῦτα μεταδοθέντος τῶν γραμμάτων τούτων ἀντιγράφου τῷ διὰ τῆς ἐντεύξεως διασαφουμένῳ ἐνωπίῳ, ἵνʼ εἰδῇ, καὶ ἂν μηδὲν ἀντείπῃ ἐν ἡμέραις δέκα, μετὰ ταύτας ἐπιτελῶσι τὰ τῆς πράξεως ὃν τρόπον καθήκει τοῖς προστεταγμένοις ἀκολούθως. Μάρκῳ Αὐρηλίῳ Σεπτιμίῳ Ἡρακλείτῳ Διονύσιος Συρίωνος τοῦ Διονυσίου μητρὸς τῆς [---] ἀγορανομήσας τῆς Ὀξυρυγχειτῶν πόλεως. ὀφειλομένων μοι ὑπὸ [..]ου Σαρᾶτος μητρὸς [---][.][---] [--------------------]