TM 21583
(text of Papyri.info of September 2016)
Hover on a word for more info. Click on it to go to the detail page of the lemma.
c.pap.gr.2.1.39
Σαραπᾶτι κωμογραμματεῖ παρὰ Ἀντεῖτος Ἀμμωνίου τοῦ Ἀντεῖτος μητρὸς Ταπεήιτος τῶν ἀπὸ κώμης Τήεως. ὁ πατήρ μου Ἀμμωνᾶς Ἀντεῖτος τοῦ Ἡρακλήου μητρὸς Τανετβέως καὶ ὁ τούτου ὁμογνήσιος ἀδελφὸς Ἀντεῖς ὑπερετεῖς ἄτεχνοι ἀναγραφόμενοι εἰς τὴν αὐτὴν Τῆειν ἐτελεύτησαν τῷ διελθόντι δωδεκάτῳ ἔτει Ἀντωνείνου Καίσαρος τοῦ κυρίου μετὰ καταχωρισμὸν λόγων. διὸ ἀξιῶ τούτους ἀναγραφῆναι ἐν τῇ τῶν τετελευτηκότων τάξει διὰ τῶν ὑπὸ σοῦ καταχωριζομένων δημοσίων λόγων, καὶ ὀμνύω Αὐτοκράτορα Καίσαρα Τίτον Αἴλιον Ἁδριανὸν Ἀντωνεῖνον Σεβαστὸν Εὐσεβῆ ἀληθῆ εἶναι τὰ γεγραμμένα καὶ μηθὲν διεψεῦσθαι, ἢ ἔνοχος εἴην τῷ ὅρκῳ. ἔτους τρεισκαιδεκάτου Αὐτοκράτορος Καίσαρος Τίτου Αἰλίου Ἁδριανοῦ Ἀντωνείνου Σεβαστοῦ Εὐσεβοῦς Τῦβι λ. Ἀντεῖς Ἀμμωνίου ἐπιδέδωκα καὶ ὀμώμοκα τὸν ὅρκον. Θέων Ἀμμωνίου ἔγραψα ὑπὲρ αὐτοῦ μὴ εἰδότος γράμματα.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)