p.oxy.8.1121_1

ἐπὶ τῶν ὄντων ὑπάτων. Αὐρηλίῳ Ἀμμωνίῳ β(ενε)φ(ικιαρίῳ) ἐπάρχο̣υ̣ Αἰγύπτου παρὰ Αὐρηλίας Τεχώσιος Διοδώρ[ο]υ μητρὸς Τεχώσιος ἀπὸ τῆς Μικρᾶς Ὀάσεως καταγεινομένης ἐν τῇ λαμπρᾷ καὶ λαμπροτάτῃ Ὀξυρυγχειτῶν πόλι*. οὐκ ὀλίγο̣ς κίνδυνος οὐδὲ ἡ τυχοῦσα ἐπιστρέφεια ἐπήρτηται ἐκείνοις τοῖς εὐχερῶς συλήσει καὶ ἁρπαγαῖς τῶν ἀλλοτρίων ἑαυτοὺς ἐπιδιδοῦσι. καὶ αὐτὴ γὰρ ἀνυπέρβλητον ἐ̣π̣ί̣θ̣ε̣σ̣ιν καὶ ἁρπαγὴν πά-σχουσα πρόσειμι μαρτυρο[μέν]η τὰ εἴς με ἐπιχειρηθέντα. ἡ προ-κειμένη μου μήτηρ Τεχῶσις νόσῳ κατα[β]λ̣[η]θεῖσα κατὰ τὴν ἐμαυτῆς μετριότητα ταύτην ἐνοσοκόμησα καὶ ὑπηρέτησα καὶ οὐκ ἐ-παυσάμην τὰ πρέποντα γείνεσθαι ὑπὸ τέκνων γονεῦσι ἀναπλη-ροῦσα. ὥσπερ ταύτης πρὸ ὀλίγων τούτων ἡμερῶν τὸν βίον ἀναπαυ-σαμένης ἀδιαθέτου ἐπʼ ἐμοὶ τῇ θυγατρὶ κληρονόμῳ κατὰ τοὺς νό-μους, πάλιν τὰ πρὸς τὴν κηδίαν* αὐτῆς παρέσχον καὶ τὰ καθήκον-τα ἐπὶ τῷ θ̣[α]ν̣άτῳ ἐξετέλεσα. καὶ ὡς ἐμοῦ περὶ τὴν συμφορὰν οὔ-σης οὐκ οἶδα τίνι λόγῳ ἢ πόθεν κεινηθέντες* Σωτᾶς τις καὶ Πα-ποντῶς καταμένοντες ἐν τῇ αὐτῇ οἰκίᾳ ἔνθα ἡ μήτηρ μου ᾤκει ἐκ̣ γιτόνων* μου ἐπιστάντες τοῖς καταλιφθεῖσι* ὑπʼ αὐτῆς κεινου-μένοις* τε πλείστοις, χρυσῷ οὐκ ὀλίγῳ, ἐνδομενείᾳ τοιαύτῃ, αἰσθῆ-τι* πολυτειμοτάτῃ*, καὶ ἄλλοις, ἅπαντα ὡς ἐν ἀνομία̣[ι]ς̣ ἀπεσύλη-σαν, τίνι ἐπα̣γόμενοι οὐκ ἐπίσταμαι. καὶ ἵνα [ἐ]μ̣οῦ τὴν π̣ε̣ρ̣ὶ̣ τούτου ἐκ-δικίαν αἰτεῖν μελλούσης παρὰ τῷ μείζονι οὗτοι ἐμφάνιαν* ἑαυ-τῶν ποιήσωνται ἀναγκαίως ἐπιδίδωμι τάδε τὰ βιβλία μαρτυρο-μέ[ν]η μὲν τὸ ἐπιχείρημα ἀξιοῦσα δὲ τούτους ἐπαναγκασθῆναι ἱκ̣[ανὰ] ἔνγραφα παρασχεῖν μονῆς καὶ ἐμφανείας, ἐμοῦ ἤδη τὴν πρ[ὸς] [τὸν] [μ]ίζονα* φυγὴν ποιουμενη*, τού[τ]ων δὲ τὰ ἴσα διὰ τῆς σῆς ἐμ[μελεία]ς̣ ἀνυσθῆναι τῇ ἡγεμονίᾳ. ἔ[το]υς ια καὶ ἔτους ι τῶ[ν] [κυρίω]ν ἡμῶν Διοκλητιανοῦ καὶ Μαξιμι[αν]οῦ Σεβαστῶ̣ν̣ ⟦σεβαστο̣υ̣⟧ καὶ ἔτους γ τῶ[ν] [κυρίω]ν ἡμῶν Κωνσταντίου καὶ Μαξιμιανοῦ τῶν ἐπιφανεστάτων Καισ[άρων] Μεχεὶρ ιδ. Αὐρ[ηλία] [Τε]χῶσις ἐπιδέδωκα. Αὐρήλιος Ἀγαθὸς Δαίμων Σερήνου ἔγρ[αψα] [ὑπ]ὲρ αὐτῆς φαμένης μὴ εἰδ[έ]ναι γράμμ[α]τα.

p.oxy.8.1121_2

Τασαβῆς τῷ β(ε)ν(ε)φ(ικιαρίῳ) κατὰ τῶν τέκν[ων] αὐτῆς. Πολυδεύκει ἀ̣π̣ὸ̣ τῆς [..]λ̣(…) πά̣ρο̣ς ἔτο̣υς τούτου χρόνου.