p.oxy.14.1676_1

Φλαούιος Ἡρκουλανὸς Ἀπλωναρίῳ τῇ γλυκυτάτῃ καὶ τιμιωτάτῃ πλεῖστα χαίρειν. ἐχάρην μεγάλως κομισάμενός σου ἐπιστολήν, δόντος μοι αὐτὴν τοῦ μαχαιρᾶ. ἣν δὲ γράφεις διὰ Πλάτωνος τοῦ τοῦ ὀρχηστοῦ πεπομφέναι μοι οὐκ ἐκομισάμην. ἀλλὰ λίαν ἐλυπήθην ὅτι οὐ παρεγένου εἰς τὰ γενέσια τοῦ παιδίου μου καὶ σὺ καὶ ὁ ἀνήρ σου, εἶχες γὰρ ἐπὶ πολλὰς ἡμέρας εὐφρανθῆναι σὺν αὐτῷ. ἀλλὰ πάντως κρείττονα εἶχες. διὰ τοῦτο ὑπερηφάνηκας ἡμᾶς. ἐγὼ θέλε σε πάντοτε καλῶς ἔχειν ὡς ἐμαυτόν, ἀλλὰ καὶ λυποῦμαι πάλιν ὅτι ἐκτός μου εἶ. ἐὰν δὲ ἐκτός μου οὐκ ἀκάλως ἔχῃς, χαίρω ὅτι καλῶς ἔχεις μέν, καὶ ἐγὼ δὲ πάλιν καταξύομαι μὴ ὁρῶν σε. τὸ σύνφορόν σου ποίει. ὅταν γὰρ θέλῃς ἡμᾶς πάντοτε ἰ’δεῖν, ἥδιστά σε παραδεξόμεθα. καλῶς οὖν ποιήσεις ἐλθοῦσα τῷ Μεσορὴ πρὸς ἡμᾶς ἵνα ὅλως ἴδωμέν σε. ἄσπασαι τὴν μητέρα σου καὶ τὸν πατέρα σου καὶ Καλλίαν. ἀσπάζεταί σε ὁ υἱός μου καὶ ἡ μήτηρ αὐτοῦ καὶ Διονύσιος ὁ συναγωνιστής μου, ὃς ὑπηρετεῖ με ἐν τῷ σταβλαρίῳ. ἄσπασαι τοὺς φιλοῦντάς σε πάντας. ἐρρῶσθαί σε εὔχομαι.

p.oxy.14.1676_2

ἀπόδος Ἀπλωναρίῳ παρὰ Φλαουίου Ἡρκουλανοῦ παρὰ Ἡρκουλανοῦ [---] πάτρωνος.