p.oxy.16.1989_1

[---][.][---] ὑπατείας τοῦ αὐτοῦ εὐσεβεστάτου ἡμῶν δεσπότου ἔτους η, Ἁθὺρ ζ, ἰνδικτίωνος θ. † Φλαουΐοις Πραιϊέκτη καὶ Ἀπίωνι τῷ αὐτῆς υἱῷ τοῖς ὑπερφυεστάτοις κληρονόμοις τοῦ ἐν εὐκλεεῖ τῇ μνήμῃ Ἀπίωνος γενομένου πατρικίου γεουχοῦσιν καὶ ἐνταῦθα τῇ λαμπρᾷ Ὀξυρυγχιτῶν πόλει διὰ Μηνᾶ οἰκέτου τοῦ ἐπερωτῶντος καὶ προσπορίζοντος τοῖς ἰδίοις δεσπόταις τοῖς αὐτοῖς πανευφήμοις ἀνδράσιν τὴν ἀγωγὴν καὶ ἐνοχὴν Αὐρήλιος Ἁρεώτης υἱὸς Μουσαίου μητρὸς Ταρμουθίης ὁρμώμενος ἀπὸ ἐποικίου Ψεμπεκλη κτήματος τῆς ὑμῶν ὑπερφυείας τοῦ Ὀξυρυγχίτου νομοῦ ἐναπόγραφος αὐτῆς γεωργὸς χαίρειν. χρείας καὶ νῦν γεναμένης εἰς τὴν ὑπ’ ἐμὲ γεουχικὴν μηχανὴν καλουμένην Περσεβουλ ἀντλοῦσαν εἰς ἀρόσιμον γῆν ἄξονος ἑνός, ἀνελθὼν ἐπὶ τῆς πόλεως ἠξίωσα τὴν ὑμῶν ὑπερφύειαν διὰ τῶν αὐτῇ προσηκόντων ὥστε κελεῦσαι παρασχεθῆναί μοι τὸν αὐτὸν ἄξονα. τοῦτον ἀγορασθέντα παρ’ ἐμοῦ καὶ τὴν ὑπὲρ αὐτοῦ τιμὴν λογισθεῖσάν μοι ἐν τοῖς ἐμοῖς ἐνταγίοις καινὸν ἐπιτήδειον ἀντλητικὸν εὐάρεστον ἐδεξάμην εἰς ἀναπλήρωσιν τῶν μηχανικῶν ὀργάνων ἐν τῇ σήμερον ἡμέρᾳ, ἥτις ἐστὶν Ἁθὺρ ζ ἰνδικτίωνος θ, ὑδροπαροχίας δὲ καρπῶν τῆς σὺν Θεῷ δεκάτης ἰνδικτίωνος. καὶ πρὸς ἀπόδειξιν τῆς ὑποδοχῆς ταύτην πεποίημαι τὴν χειρογραφίαν, ἥτις κυρία οὖσα ἁπλῆ γραφεῖσα καὶ ἐπερωτηθεὶς ὡμολόγησα. † Αὐρήλιος Ἁρεώτης υἱὸς Μουσαίου ὁ προγεγραμμένος πεποίημαι ταύτην τὴν χειρογραφίαν τοῦ ἑνὸς ἄξονος ὡς πρόκειται. Ἀναστάσιος ἐλέῳ Θεοῦ διάκονος καὶ συμβολαιογράφος γράφω ὑπὲρ αὐτοῦ ἀγραμμάτου ὄντος. † ⳨ |grc-Latn|di |grc-Latn|emu |grc-Latn|Anastasiu |grc-Latn|eteliothe

p.oxy.16.1989_2

† χειρογραφία Ἁρεώτου υἱοῦ Μουσαίου ἀπὸ ἐποικίου Ψεμπεκλη ἄξονος ἑνός.