sb.1.5285_1

† ἐν ὀνόματι τοῦ πατρὸς καὶ τοῦ υἱοῦ καὶ τοῦ ἁγίου πνεύματος, βασιλείας τοῦ γαληνοτάτου ἡμῶν δεσπότου Φλαουίου Φωκᾶ τοῦ αἰωνίου Αὐγούστου καὶ Αὐτοκράτορος ἔτους πέμπτου, Ἁθὺρ γ, ἑνδεκάτης ἰνδικτίωνος. Αὐρηλία Ἰωάννα Καλλινίκου μητρὸς Εὐγενείας ἀπὸ τῆς Πανοσπολιτῶν Αὐρηλίᾳ Μαρίᾳ ὁμογνησίᾳ μου ἀδελφῇ ἀπὸ τῆς αὐτῆς Πανοπολιτῶν. ὁμολογῶ ἐσχηκέναι παρὰ σοῦ εἰς ἰδίαν μου καὶ ἀναγκαίαν χρείαν χρυσοῦ νομισματίου δίμοιρον ἔχον κεράτια δέκα πέντε ἥμισυ ζυγῷ Ἀλεξανδρείας, γίνονται χρυσοῦ νομισματίου ? ἔχον κεράτια ιε ?, καὶ τοῦτο ἑτοίμως ἔχω ἰδίῳ μου κινδύνῳ καὶ πόρῳ τῆς παντοίας μου ὑποστάσεως παρασχεῖν σοι, ὁπόταν βουληθῇς καὶ ζητήσῃς πρὸς ἐμέ, χωρίς τινος ἀντιλογίας καὶ πάσης ὑπερθέσεως. πρὸς δὲ ἀσφάλειαν καὶ ἔκτισιν τοῦ αὐτοῦ χρέους ὑπεθέμην σοι κατὰ δίκαιον ὑποθήκης τὸ ἀνῆκόν μοι μέρος τρίτον τῆς κοινῆς πρὸς σὲ κατὰ τὸ λοιπὸν μέρος δίμοιρον οἰκίας ὁλοκλήρου μετὰ παντὸς αὐτῆς τοῦ δικαίου διακειμένην ἐπὶ τῆσδε τῆς Πανοσπολιτῶν ῥύμης τῆς Ἁγίας ἐκκλησίας μεγάλης συνημμένην τῇ οἰκίᾳ τῶν κληρονόμων τοῦ μακαρίου Τιμοθέου, πρὸς τῷ σε ἔχειν τὴν τούτου χρῆσίν τε καὶ οἴκησιν ἀντὶ τῆς παραμυθείας τοῦ αὐτοῦ χρέους, καὶ μὴ ἐξεῖναί μοι μήτε κληρονόμοις ἐμοῖς τὸ αὐτὸ μέρος τρίτον οἰκίας ἢ μέρος τούτου μεθυποθέσθαι ἢ διαπωλῆσαι ἢ ἄλλην τινὰ οἰκνομίαν θέσθαι κατʼ αὐτοῦ ἄχρις ἀποδόσεως καὶ συμπληρώσεως τοῦ αὐτοῦ χρέους κινδύνῳ ἐμῷ, κὰ ἐπερωτηθεῖσα ὡμολόγησα. † † Αὐρηλία Ἰωάννα ἡ προγεγραμμένη στοιχεῖ μοι πάντα, ὡς πρόκειται. ἔγραψα ὑπὲρ αὐτῆς † Φλάουιος Θεόδωρος Σενοὺθ ἀπὸ Πανός †. † ἐγράφη διʼ ἐμοῦ Δίου συμβολαιογράφου †.

sb.1.5285_2

ὑπόθεσις μέρους τρίτου οἰκίας [.] Αὐρηλίας Ἰωάννης [.]