chr.mitt.361

μετὰ τὴν ὑπατείαν τῶν δεσποτῶν ἡμῶν Κωνσταντίου Αὐγούστου τὸ ζ καὶ Κωνσταντίου τοῦ ἐπιφανεστάτου Καίσαρος τὸ γ Τῦβι ιζ τῆς ιγ ἰνδικτίονος, ἐν Ἐλεφαντίνης πόλει τῆς ἄνω Θηβαίδος. Αὐρηλία Τηρουτήρου Πασμῆτος μητρὸς Τσενπαχνούμεως ἀπὸ Ἐλεφαντίνης πόλεως μετὰ συνεστῶτος τοῦ κυρίου αὐτῆς ἀνδρὸς Αὐρηλίου Δωροθέου Σερήνου ἀπὸ τῆς αὐτῆς πόλεως Αὐρηλίῳ Σαραπάμμωνι μητρὸς Ταπαμῶνος καὶ Τκαλῆτι ἐκ μητρὸς Θαήσιος καὶ τῇ ταύτης θυγατρὶ Αὐρηλίᾳ Λουσίᾳ γενομένοις μου δούλοις ὑπὲρ τοῦ ἐπιβάλλοντος μέρους χαίρειν. ὁμολογῶ ἑκουσίως καὶ αὐθαιρέτως καὶ ἀμετανοήτως ἀφικέναι ὑμᾶς ἐλευθέρους τοῦ ἐπιβάλλοντός μοι μέρους ὑπὸ Γῆν καὶ Οὐρανὸν κατʼ εὐσεβείαν τοῦ πανελεήμονος Θεοῦ ἐλθόντος εἰς ἐμὲ ἀπὸ κληρονομίας τῆς μητρός μου ἀπὸ τοῦ νῦν ἐπὶ τὸν ἅπαντα χρόνον καὶ ἀνθʼ ὧν ἐνεδείξασθέ μοι κατὰ χρόνον εὐνοίας καὶ στοργῆς ἔτι τε καὶ ὑπηρεσίας · τ?ρέπεσθαι οὖν ὑμᾶς κατὰ τὸ προκείμενόν μου μέρος καθὼς προεῖπον καὶ νέμεσθαι εἰς οὓς ἐὰν βούλησθε τόπους ἀκωλύτως καὶ ἀνεπιλήμπτως, εὐδοκεῖν γὰρ καὶ πείθεσθαι ἐμὲ τὴν ἐλευθεροῦσαν τοῖς ἐλευθερουμένοις εἰς τήνδε τὴν ἐλευθέρωσιν ἥκειν τοῖς ἐλευθερουμένοις καθὼς προδεδήλωται καὶ τοῖς ἐξ αὐτῶν ἐσομένοις εἴτε ἐπὶ θηλείοις τέκνοις εἴτε ἐπὶ ἑτέροις ἐκγόνοις, μήτε μὴν οἷς ἐὰν κτήσησθε τρόπῳ μηδενὶ παρευρέσει μηδεμιᾷ ἐντεῦθεν ἀκώλυτον ἔσται τῆς δουλείας, καὶ μὴ ἔξεσται δὲ μηδενὶ τῶν ἐμῶν κληρονόμων ἁπαξαπλῶς ἀντιλέγειν μου ταύτῃ τῇ εὐσεβείᾳ περὶ μηδενὸς κατὰ μηδένα τρόπον ἐκ μηδεμιᾶς ἀφορμῆς τῇ καθόλου διʼ ἣν καὶ αὐτοὶ τῷ χρόνῳ ἐνέδειξάν μοι εὔνοιαν καὶ φιλοστοργείαν, καὶ αὐτὴ ἀμειβομένη τὰς ἀμοιβὰς ἑκοῦσα καὶ πεπεισμένη ἧκον εἰς τήνδε τὴν ἐλευθερίαν ἥνπερ ἐθέμην κυρίαν καὶ βεβαίαν ἁπλῆν γραφεῖσαν πανταχοῦ ἐπιφερομένην ἐφʼ ὑπογραφῆς ἐμοῦ Δωροθέου τοῦ ἀνδρὸς αὐτῆς πρὸς αἰωνίαν ὑμῶν ἀσφάλειαν, καὶ ἐπερωτηθεῖσα ὡμολόγησα. Αὐρηλία Τηρουτήρου Πασμῆτος ἡ προκειμένη ἐθέμην τὴν ἐλευθερίαν καὶ εὐδοκῶ πᾶσι τοῖς ἐνγεγραμμένοις ὡς πρόκειται. Αὐρήλιος Δωρόθεος Σερήνου ὁ προγεγραμμένος ἀνὴρ αὐτῆς συνέστην τῇ γυναικί μου καὶ ἔγραψα ὑπὲρ αὐτῆς γράμματα μὴ εἰδυίης. Αὐρήλιος Τινισαεῖς Ἀμμωνᾶτος μαρτυρῶ. Αὐρήλιος Ἀμμώνιος Σωκράτους μαρτυρῶ. Αὐρήλιος Φιλουσίας Ἀντωνίου μαρτυρῶ. Αὐρήλιος Κύριλλος Παησίου μαρτυρῶ. Αὐρήλιος Τιμόθεος Ἀπολλωνίου ἀπὸ προεστώτων Ἐλεφαντίνης μαρτυρῶ.