p.flor.1.2_10

ρνγ Φλαύιος Πανίσκος ὁ καὶ Λόγγος στρατηγὸς Ἑρμοπολείτου. τῶν δοθέντων μοι προσαγ’γελμάτων ὑπὸ κωμαρχῶν κώμης Μονύρεως καὶ Δαμαράτου εἰσδιδόντων ἀνθʼ ἑαυτῶν εἰς τὴν αὐτὴν κωμαρχίαν ἴσον δημοσίᾳ πρόκειται ἵνα πάντες εἰδῶσι καὶ οἱ ἀναδοθέντες ἔχωνται τῶν ἐγχειρισθέντων αὐτοῖς ἐν τῷ δέοντι καιρῷ ὑγιῶς καὶ πιστῶς εἰς τὸ ἐν μηδενὶ μεμφθῆναι. ἐσημειωσάμην. ἔτους ιβ τοῦ κυρίου ἡμῶν Γαλλιηνοῦ Σεβαστοῦ Ἐπεὶφ κβ.

p.flor.1.2_12

Φλαυίῳ Πανίσκῳ τῷ καὶ Λόγγῳ στρατηγῷ Ἑρμοπολίτου παρὰ Αὐρηλίων Κολλούθου Πεκύσιος μητρὸς Θερμούθιος ὡς ἐτῶν [..] οὐλὴ δακτύλῳ λιχανῷ ἀριστερᾶς χειρὸς καὶ Πετοβασθίος [...] μητρὸς Ἑλένης ἀμφοτέρων κωμαρκῶν ἐποικίου Δαμαράτου διʼ ἐμοῦ τοῦ παρόντος Κολλούθου. δίδομεν καὶ προσαγγέλλομεν τοὺς ὑπογεγραμμένους ἀνθʼ ἡμῶν εἰς τὴν αὐτὴν κωμαρχίαν ἐφʼ ᾧ αὐτοὺς ἀντιλαβέσθαι τῆς αὐτῆς χρείας ἀπὸ α τοῦ ὄντος μηνὸς Ἐπεὶφ ὄντας εὐπόρους καὶ ἐπιτηδείους κινδύνῳ ἡμῶν καὶ πάντων τῶν καταμενόντων ἐν τῷ αὐτῷ ἐποικίῳ ἐξ ἀλληλεγγύης ὃυς καὶ ἡμεῖς ἐγγυώμεθα εἰς παράστασιν. εἰσὶ δέ · Λῦτις Νικάνδρου μητρὸς [....]ς ὡς ἐτῶν λε πόρον ἔχων ____ δραχμῶν Β. Κοπρέας Πολεῖτος μητρὸς [....]ς ὡς ἐτῶν ν ____ πόρον ἔχων δραχμῶν Β. διευτύχει. ἔτους ιβ Αὐτοκράτορος Καίσαρος Πουπλίου Λικιννίου Γαλλιηνοῦ Γερμανικοῦ μεγίστου Εὐσεβοῦς Εὐτυχοῦς Σεβαστοῦ Ἐπεὶφ κβ οἱ προκείμενοι κωμάρχαι διʼ ἐμοῦ τοῦ παρόντος Κολλούθου ἐπιδεδώκαμεν |gap=2_lines|