TM 2384
(text of Papyri.info of September 2016)
Hover on a word for more info. Click on it to go to the detail page of the lemma.
p.lond.7.1941_1
Ἱεροκλῆς Ζήνωνι χαίρειν. εἰ ἔρρωσαι καὶ ἐν τοῖς λοιποῖς ἀπαλλάσσεις κατὰ νοῦν, καλῶς ἂν ἔχοι. ὑγιαίνω δὲ καὶ αὐτὸς. ἔγραψάς μοι περὶ Πύρρου ὅτι εἰ μὲν ἡμεῖς ἐπιστάμεθα ἀκριβῶς ὅτι νικήσει, ἀλείφειν, εἰ δὲ μή, μὴ συνβῆι αὐτὸν ἀπό τε τῶν γραμμάτων ἀποσπασθῆναι καὶ ἀνήλωμα μάταιον προσπεσεῖν. ἀπὸ μὲν οὖν τῶν γραμμάτων οὐ πάνυ ἀπεσπάσθη, ἀλλὰ παραβάλλει, καὶ πρὸς τὰ λοιπὰ δὲ μαθήματα. περὶ δὲ τοῦ ἀκριβῶς ἐπίστασθαι, οἱ θεοὶ μάλιστʼ ἂν εἰδείησαν, τῶν δὲ νῦν ὄντων πολὺ ὑπερέξειν φησὶ Πτολεμαῖος, καίπερ τὸ παρὸν λείπεται παρὰ τὸ ἐκείνους μὲν προειληφέναι χρόνον πολύν, ἡμεῖς δὲ ἄρτι ἐναρχόμεθα ἀλείφοντες. καὶ ἐπίστω ὅτι Πτολεμαῖος οὐ μισθοὺς ἐκπράσσεται ὥσπερ οἱ λοιποὶ ἐπιστάται, ἁπλῶς δʼ ἐλπίζει σε στεφανῶσαι ἀνθʼ ὧν ἀγνὼς ὢν αὐτῶι πρότερος ἐβούλου εὐεργετεῖν καὶ [..................] τα ποιεῖς περὶ τῆς παλαίστρας. φρόντισον δὲ καὶ περὶ τοῦ στρωματίου περὶ οὗ ἔγραψά σοι πρότερον ἵνα καταγάγηις. καὶ ῥίσκον πρίω δραχμῶν ἓξ καὶ κατάγαγε. ἀπόστειλον δὲ καὶ μέλιτος κάδια δύο, ἵνα ἔχωμεν · χρήσιμον γάρ ἐστι.p.lond.7.1941_2
Ἱεροκλῆς περὶ τοῦ παιδαρίου Ζήνωνι. ἔτους κθ, Ξανδικοῦ β, ἐν Μέμφει.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)