p.oxy.49.3468_1

Λευκίωι Ἰουλίωι [..........] παρὰ Ἀπολλωνίου [..........] τῶν ἀπὸ Ὀξυρύγχων πόλεως τοῦ Ὀξυρυγχείτου νομοῦ. ἐδανεισάμην σὺν Θέωνι Ἁσύχιος παρὰ τοῦ τοῦ Θέωνος ἀδελφοῦ Ἁρσιήσιος ἀργυρίου δραχμὰς σ ὧν τοὺς κατʼ ἔτος τόκους ἐδιορθωσάμην τῷ τε Ἁρσιῆσι καὶ τῇ τούτου γυναικὶ Τετεῦρι. νῦν δὲ ὁ Ἁρσιῆσις, ἐποφθαλμιάσας τῷ ὑπάρχοντί μοι μέρει οἰκίας, ἧς ἐστιν κοινωνός μου, ἐτόλμησεν ἐπιτελέσαι κατʼ αὐτοῦ γράμματα ἐνεχυρασίας, βουλόμενος ἐπικρατῆσαι μέρους οἰκίας ἀξίου ἐπὶ τὸ ἧσσον ἀργυρίου δραχμῶν Β ἀντὶ τῶν τοῦ δανείου δραχμῶν διακοσίων ἐξ ὧν ἡ ἡμίσεια ἐπιβάλλει τῷ Θέωνι. ἔτι δὲ, τοῦ στρατηγοῦ τοῦ νομοῦ κωλύσαντος τὸν Ἁρσιῆσιν ἐξ ἧς ἐποιησάμην ἐντυχίας μηδὲν ἐπιτελεῖν, παρηγήσατο τὴν παραγγελίαν βίαιος ὑπάρχων. διὸ ἀξιῶ σὲ τὸν κύριον, ἐὰν φαίνηται, γράψαι τῷ τοῦ νομοῦ στρατηγῷ ἐκπέμψαι ἐπὶ σὲ τόν τε Θέωνα καὶ τὸν Ἁρσιῆσιν καὶ τὴν κομισαμένηνν τοὺς τόκους Τετεῦριν, ὅπως τύχω τῶν ἀπὸ σοῦ δικαίων ἵνʼ ὦ εὐεργετημένος. διευτύχει.

p.oxy.49.3468_2

[--------------------]
[.][---] ς[---] στ[---] το[---] π[---] ν[---] ο[.][---] δ[---] ω[---] ξυ[---] δ[---] [--------------------]