TM 316244
(text of Papyri.info of September 2016)
Hover on a word for more info. Click on it to go to the detail page of the lemma.
p.tarich.4a
τοῖς χρηματισταῖς ὧν εἰσαγωγεὺς Μέλας παρὰ Ἀμεννέως καὶ Ὀννώφριος τοῦ Τεῶτος ταριχευτῶν ἐκ Τάνεως. ἐπεδώκαμεν ὑμῖν ὑπόμνημα Θωῦθ ιε κατὰ Ἀβύκιος τοῦ Ὥρου καὶ Κελεχώνσιος καὶ Πάσιτος τοῦ Ψενεμοῦτος ταριχευτῶν ἐκ Φιλαδελφείας καθ’ ὧν ἐγκεκλήκαμεν ἤδη μῆνας ε ὑπὲρ ὧν ἔχουσι βασιλικῶν σκηπτόμενοι καὶ ὃν τρόπον παρελογίσαντο Δριμύλον τοῦ γραφῆναι ἀπαχθῆναι ἡμᾶς. ἔγραψεν Κλέωνι τῶι ἀρχιφυλακίτηι Τάνεως καὶ παρεδόθημεν τοῖς φυλακίταις εἰς ἀπαγωγὴν ἔχοντες τὴν παρὰ Πρωτάρχου ἐπιστολὴν καὶ τὴν Βάκχωντος τοῦ διοικητοῦ βουλόμενοι ἀφελέσθαι ἡμῶν τὰς ἐπιστολὰς καὶ περὶ πάντων τῶν ἀπαντησάντων [.] [..] οὐκ ἐμμένοντες τοῖς ὑπὸ τοῦ βασιλέως προστάγμασιν διὰ τὸ ἔχειν αὐτοὺς χρυσίον καὶ ἀργύριον. ἀξι οῦμεν ἡμᾶς γράψαι ὧι καθήκει ἀποστεῖλαι ἐφ’ ὑμᾶς Κλέωνα τὸν ἀρχιφυλακίτην ὧι παρεδόθημεν καὶ τοὺς φυλακίτας οἷς παρέδωκεν ἡμᾶς ὧν τὰ ὀνόματα ____ Ἐσερχῆς, Εὔπορος, Ὀννῶφρις, Ἡρακλείδην ἐρημοφύλακα ὃς συνιστορεῖ, ὅπως ἐπερωτηθῶσι περὶ τούτων, ἵνα ἐνδειξώμεθα καὶ τύχωσι ὧν δεῖ τυχεῖν παρακηκοότες τῶν τοῦ βασιλέως προσταγμάτων, συνσχόντες ἡμᾶς κρίσεως ἡμῖν ὑπαρχούσης ἐπὶ χρηματιστῶν. εὐτυχεῖτε.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)