p.tarich.6b_1

Βάκχωντι διοικητῆι παρὰ Ἀμεννέως τοῦ Ὥρου καὶ Ὀννώφριος τοῦ Τεῶτος ἐνταφιαστῶν τῶν ἐκ Τάνεως τοῦ Ἀρσινοίτου νομοῦ. προσαγγέλλομεν Ἀβῦκιν Ὥρου καὶ Κελεχῶντα Πάσιτος καὶ Πᾶσιν τοῦ Ψενοφμοῦτος ἐνταφιαστὰς ἐκ κώμης Φιλαδελφείας τοῦ αὐτοῦ νομοῦ, ὅτι προστάγματος ὄντος τοὺς [---][..]μένους τοῖς ἀπονοηθεῖσιν ἀποστάταις τούτων τὰς οὐσίας ἀναλαμβάνεσθαι εἰς τὸ βασιλικόν, Ψενοφμοῦτος δὲ Παῶτος γενομένου ἐν τοῖς ἀποστάταις, ὧι οὐχ ὑπῆρχεν συγγενὴς οὐδεὶς, ὑπαρχόντων δὲ αὐτῶι ἐγγαίων τε καὶ ἄλλων, ὁμοίως δὲ καὶ γέρως ἐνταφιαστικοῦ τῶν ἐν Φιλαδελφείαι ταριχειῶν, τούτων κομισθέντων καὶ γραφέντος πραθῆναι αὐτοῦ τὴν οὐσίαν εἰς τὸ βασιλικὸν ἐπράθη ἡ μὲν ὑπάρχουσα αὐτῶι οἰκία ἐν τῆι προγεγραμμένηι κώμηι, ἣν ἐπρίατο Ἅκωρις Παχῆτος βασιλικὸς γεωργὸς τῶν ἐκ τῆς αὐτῆς κώμης καὶ κρατεῖ αὐτῆς μέχρι τοῦ νῦν, τὰ δ’ ἄλλα ὄντ’ αὐτῶι καὶ τὸ δεδηλωμένον γέρας οἱ περὶ τὸν Ἀβῦκιν, καθ᾿ ὧν ἐμφανίζω, συνδιείλοντο ἑαυτοῖς παρὰ τὸ καθῆκον, οὐ διαγράψαντες τιμὴν καθότι εἴθιστο. γίνεται δὲ ἐκ τοῦ γέρως κατ᾿ ἐνιαυτὸν χαλκοῦ δραχμαὶ Δ, ἃς ἀποφέρονται ἀπὸ τοῦ β ἔτους μέχρι τοῦ νῦν ἐτῶν ιθ, ὅ γίνεται χαλκοῦ τάλαντα ιβ δραχμαὶ Δ. ἵνα οὖν μηθὲν παραλειφθῆι τῶν εἰς τὸ βασιλικὸν καθηκόντων, ἀξιοῦμεν, ἐάν σοι φαίνηται, γράψαι Ἡφαιστίωνι τῶι ἐπιμελητῆι ἐξαποστεῖλαι τοὺς προγεγραμμένους ἐπὶ σέ, ὅπως [.....] καθότι [.] τὸ μὲν δεδηλωμένον πλῆθος τοῦ χαλκοῦ ἀναπραχθῆι εἰς τὸ βασιλικὸν [..]ηι [..]σ κ[.] καθήκ[---] [--------------------]

p.tarich.6b_2

[....] μὴ ἐπιτρέπειν μηδενὶ τὰς χεῖρας ἐπιβάλλειν μέχρι τοῦ τὴν περὶ τούτων διεξαγωγὴν γενέσθαι. ____ εὐτύχει