p.enteux.2_1

βασιλεῖ Πτολεμαίωι χαίρειν Ἁρμεῦσις ἐριέμπορος, τῶν κατοικούντων ἐν Κροκοδείλων πόλει. ἀδικοῦμαι ὑπὸ Σεῶτος Ἰουδαίου, τῶν κατοικούντων ἐν Ἀλαβανθίδι. ἀποδόμενος γάρ μοι ἐρίων νόθων πόκους ριη ἀνὰ δραχμὰς δ πεντώβολον χαλκοῦς 2, οὓς συνηγόρακα Ἀμύνται ὥστε [...]ειαν ἀπὸ τῆς βασιλικῆς παραβολῆς, καὶ λαβὼν παρʼ ἐμοῦ ἀρραβῶνα δραχμὰς οϛ, ἐφʼ ὧι τὸ λοιπὸν [.....] ἀποδώσω αὐτῶι ὅταν κείρω τὰ ἔρια, Σεῶς ἐπελθὼν ἐπὶ τὴν π[.]μναν πεπ[.]υκε καὶ ἐ[.] καὶ κέκαρκε καὶ ἀπενήνεκται πρὸς αὑτόν, ἀπαιτούμενός τε ὑπʼ ἐμοῦ τὰ ἔρια οὐκ ἀποδίδωσι. δέομαι οὖν σου, βασιλεῦ, εἴ σοι δοκεῖ, προστάξαι Διοφάνηι τῶι στρατηγῶι ὅπως γράφηι [---] τῶι ἐπιστάτῃ ἀποστεῖλαι τὸν Σεῶν ἐπὶ Διοφάνην τὸν στρατηγὸν ὅπως, ἐὰν φαίνηται [---] τὰ ἔρια καὶ εἰληφὼς ἀρραβῶνα, ἐπαναγκάσηι αὐτὸν ἀποδοῦναί μοι τὰ ἔρια. τούτου γὰρ γενομένου, ἐγώ τε οὐκ ἀδικηθήσομαι, τά τε τέλη τὰ ὀφειλόμενα κατʼ Ἀλεξάνδρειαν [---] Ἀμύντας ὧι συνηγόρακα καὶ πλείω φόρτον, ἀλλὰ ἐπὶ σέ, βασιλεῦ, καταφυγόντες, τὸν πάντων κοινὸν σωτῆρα, τευξόμεθα τοῦ δικαίου. [--------------------]

p.enteux.2_2

ἔτους δ, Δίου γ, Φαμενὼθ κζ. Ἁρμιῦσις ἐριέμπορος πρὸς Σεῶν περὶ ἐρίων.