p.tebt.1.106_1

ἔτους ιδ Φαῶφι ιδ ἐν Πτολεμαίδι Εὐεργέτιδι. ἐμίσθωσε Μάρων Διονυσίου Πτολεμαίωι Ἀπολλωνίου Πέρσηι τῆς ἐπιγονῆς τὸν ἑαυτοῦ ἐν τρισὶ σφραγῖσι εἰς ἔτη γ [............] [.]ενυ… δώσει χαλκοῦ τάλαντον α ἀναπόδοτον. βασιλευόντων Πτολεμαίου τοῦ καὶ Ἀλεξάνδρου θεοῦ Φιλομήτορος καὶ βασιλίσσης Βερενίκης θεᾶς Φιλαδέλφου ἔτους τεσσαρεσκαιδεκάτου ἐφʼ ἱερέως Ἀλεξάνδρου καὶ τῶν ἄλλων τῶν γραφομένων ἐν Ἀλεξανδρείᾳ μηνὸς Ἀπελλαίου Φαῶφι ἐν Πτολεμαίδι Εὐεργέτιδι τοῦ Ἀρσινοίτου νομοῦ. ἐμίσθωσεν Μάρων Διονυσίου Μακεδὼν τῶν κατοίκων ἱππέων Πτολεμαίωι τῶι καὶ Πετεσούχωι Ἀπολλωνίου Πέρσηι τῆς ἐπιγονῆς τὸν ἑαυτοῦ κλῆρον τὸν ὄντα ἐν τρισὶ σφραγῖσι περὶ Κερκευσῖριν τῆς Πολέμωνος μερίδος, ὧν γείτονες τῆς πρώτης σφραγῖδος νότου Μεστασύτμιος βασιλικὴ γῆ ἀνὰ μέσον ὄντος γύου βορρᾶ Ἀπολλωνίου κλῆρος λιβὸς καὶ ἀπηλιώτου διῶρυξ, τῆς δὲ δευτέρας νότου βασιλικὴ γῆ ἀνὰ μέσον ὄντος ὑδραγωγοῦ βορρᾶ Ἀπολλωνίου κλῆρος λιβὸς [............] ἀπηλιώτου διῶρυξ ἀνὰ μέσον οὐσῶν νομῶν, τῆς δὲ τρίτης νότου [.................] βορρᾶ Πολέμωνος νεωτέρου κλῆρος λιβὸς γύης ἀπηλιώτου [.....................] κλῆρος. ἡ μίσθωσις ἥδε εἰς ἔτη τρία ἀπὸ τοῦ ἐνεστῶτος ιδ ἔτους ἐκφορίου τοῦ παντὸς κατʼ ἔτος ἕκαστον ἀποτάκτου πυροῦ ἀρταβῶν ὀγδοήκοντα [......] ἄνευ σπέρματος ἀκινδύνου παντὸς κινδύνου καὶ ἀνυπολόγου πάσης φθορᾶς πλὴν τῆς ἐμβρόχου καὶ ἀβρόχου ἥτις ἂν γένηται ἐν τῇ γῇ ταύτηι ἕως Ἁθὺρ τριακάδος, τῆς δὲ γενομένης ὑπόλογος ἔστω Μάρωνι ἐκ τῶν ἐκφορίων κατὰ λόγον τῆς ἀβροχίας ἕκαστον ἐὰν δὲ ἡ ἐπάνω ἢ ἡ ὑποκάτω γῆ βρεχῆι [..]νεται τὰ ἐκφόρια ἐκ πλήρους. τὰ δʼ ἔργα πάντα τῆς γῆς καὶ τοὺς καθήκοντας χωματισμοὺς καὶ ποτεισμοὺς ἐπιτελείτω Πτολεμαῖος κατʼ ἔτος καὶ ἀναπαυσάτω κατʼ ἔτος τὸ τρίτον μέρος τῆς γῆς χόρτωι ἢ ἀράκωι ἢ τήλει καὶ μὴ ἐξέστω αὐτῶι ἐγλιπεῖν τὴν μίσθωσιν πρὸ τοῦ χρόνου, δότω δʼ αὐτῶι Μάρων ἐν τῶι πεντεκαιδεκάτῳ ἔτει εἰς τὰ ἔργα τῆς γῆς ἀναπόδοτον χαλκοῦ τάλαντον ἕν. καὶ τοῦ χρόνου διελθόντος παραδειξάτω ἃ καὶ παρείληφεν καθαρὰ ἀπὸ θρύου καλάμου ἀγρώστεως τῆς ἄλλης δείσης, τά τε κατʼ ἔτος ἐκφόρια ἀποδότω Πτολεμαῖος Μάρωνι [.....] ἐν μηνὶ Παῦνι ἐν τῇ σημαινομένηι κώμῃ οὗ ἂν Μάρων συντάσσηι [...............]νποιουν καὶ λόγον μέτρωι τῶι πρὸς τὸ ἐν τῷ δρόμῳ τοῦ ἐν αὐτῆι Σουχιείου. ἐὰν δὲ μὴ ἀποδῶ ἢ ἄλλο τι παρασυγγραφῇ ἀποτεισάτω Πτολεμαῖος Μάρωνι [---] μέρος τῆς γῆς [---]ς καὶ τῶν ἐκφορίων [---]ν τιμὴν [---]ς εἴκοσι καὶ [--------------------]

p.tebt.1.106_2

Μάρωνος Πτολεμαίου [....] Κλ[....] Ἀπολλωνίου [..] Δ[.]ος [....]ου