psi.13.1345

† σπουδή μού ἐστι πάντοτε μ[...................................] προσκυνῆσαι τὴν ὑμετέραν μεγαλοπρέπειαν [...] ἐπὶ τὴν παροῦσαν ὀλιγοσυνλα[.......................] ἐστιν ὁ δυνάμενος πληροφορῆσαι τὸν δεσπότην μου ὅτι παρʼ ἑκάστου ἀνιόντος καὶ κατιόντος ζητῶ τὰ περὶ τῆς εὐκταίας ὑμῶν ὑγιείας καὶ τὴν τοῦ μεγαλοπρεπεστάτου ὑμῶν ἀδελφοῦ καὶ τῶν γλυκυτάτων καὶ ποθεινοτάτων ὑμῶν τέκνων κ[...] αὐτὸς χαίρομαι ὡς ἵνα αὐτόπτως προσεκύνουν τὸν δεσπότην μου. ἐπεὶ οὖν, δέσποτα, χρεία γέγονεν ὀλίγων ἀχύρων εἰς ἀποτροφὴν τῶν ἀλόγων καὶ ἔπεμψα παρακαλῶν τὸν δεσπότην μου διὰ τοῦ ἀδελφοῦ καὶ περιβλέπτου κυροῦ ἄπα Ἰωάννου καὶ ἐκελεύσατε Δανιηλίῳ τῷ ὑμετέρῳ παίλικι πεμφθῆναι τὸ πλοῖον καὶ ἰδοὺ τὸ τοιοῦτο πλοῖον ἐναυλωσάμην καὶ ἔπεμψα εἰς ὑποδοχὴν τοῦ τοιούτου ἀχύρου πρὸς τὴν κέλευσιν ὑμῶν. διὸ παρακαλῶ ὑμᾶς κελεῦσαι πεμφθῆναί μοι αὐτό, ὅπως καὶ ἐν τούτῳ ὑπερεύξωμαι ὑπὲρ τῆς εὐζωίας τοῦ δεσπότου μου · συνήθεια γὰρ ὑμῶν ἐστι συνελθεῖν πᾶσι καὶ ἐξαιρέτως τοῖς γνησίως ἀγαπῶσιν ὑμᾶς καὶ ὑπερευχομένοις ὑπὲρ τῆς εὐζωίας καὶ τῆς συστάσεως τοῦ εὐλογημένου καὶ ἀφθόνου ὑμῶν οἴκου. προστιθῶ δὲ καὶ ἄλλο βάρος τὸ τοῦ ὀλίγου ξύλου · καὶ τοῦτο κελεύσατε πεμφθῆναι διὰ τοῦ αὐτοῦ πλοίου. τούτων δὲ αὐτῶν προηγείσθω τὴν ἐποφειλομένην προσκύνησιν ἀπʼ ἐμοῦ ἀπονεῖμαι τῷ δεσπότῃ μου καὶ διʼ αὐτοῦ ἐξ ἐμοῦ πρ[---] ὁ μεγαλοπρεπέστατος ὑμῶν ἀδελφός. ὁ κύριος Ἰησοῦς Χριστὸς διαφυλάξῃ ὑμᾶς |high-punctus|. εὐχόμενος τῆς κατὰ πρόσωπον προσκυνήσεως ?? † σὺν ἐμοὶ δὲ τοῦτο ποιεῖ Ὠριγένης ὁ ἀδελφὸς ὑμῶν.