sb.6.9146

† ἐν ὀνόματι τοῦ κυρίου καὶ δεσπότου Ἰησοῦ Χριστοῦ τοῦ θεοῦ καὶ σωτῆρος ἡμῶν καὶ τῆς δεσποίνης ἡμῶν τῆς ἁγίας θεοτόκου καὶ ἀειπαρθένου Μαρίας καὶ πάντων τῶν ἁγίων † ἔτους Διοκλητιανοῦ [...] μηνὸς [........] ἰνδικτίωνος [..] ἐν Ἡρακλεοπόλει. τῷ δεῖνι [.........] Μενέλαος Πανᾶς ὡς ἐτῶν [..] [....................] υἱὸς τοῦ Ἰωάννου Ἄπα Γερίωνος [....................] καὶ διμοιρε… καὶ Ἀπολλῶς πρεσβύτερος ὡς ἐτῶν [..] φαλακρὸς μελάγχρους, ἀμφότεροι ἀπὸ χωρίου Θμοιαμούνεως τοῦ Ἡρακλεοπολίτου νομοῦ χαίρειν. ὁμολογοῦμεν ἐξ ἀλληλεγγύης, ὁπότερος ἡμῶν ἐνεχόμενος ὑπὲρ τοῦ ἑτέρου, ὁ εὔπορος ὑπὲρ τοῦ ἀπόρου, ὁ παρὼν ὑπὲρ τοῦ ἀπόντος, ὁ ζῶν ὑπὲρ τοῦ ἀποθνήσκοντος, ἐγγυᾶσθαι παρὰ τῇ ὑμετέρᾳ εὐκλεεῖ δεσποτείᾳ καὶ ἀναδέχεσθαι Οὐαλήριον Μηνᾶν υἱὸν Ψεείου καὶ Ἰουστίναν γαμετὴν αὐτοῦ καὶ Τερμούτιον θυγατέρα καὶ Ἀντώνιον τὸν τούτου ὁμογνήσιον ἀδελφὸν καὶ Εὐδοξίαν γαμετὴν αὐτοῦ καὶ Μνηᾶν καὶ Θέονα τέκνα αὐτοῦ ἀπὸ τοῦ αὐτοῦ Θμοιαμούνεως χωρίου, οὕστινας ἐπιζητουμένους παρʼ ὑμῶν, ἡνίκα ἂν κελεύσητε, παραγάγωμεν καὶ παραδώσωμεν ὑμῖν ἐν τῇ δημοσίᾳ φυλακῇ χωρὶς λόγου, ἔνθα αὐτοὺς καὶ παρειλήφαμεν, ἤγουν ὥστε ἡμᾶς τὰς ἀπολογίας ὑπὲρ αὐτῶν ποιήσασθαι πᾶσιν τοῖς παρʼ ὑμῶν πρὸς αὐτοὺς ἐπιζητουμένοις ἀποκριναμένους · καὶ ἐπερωτηθέντες ὡμολογήσαμεν καὶ ἀπελύσαμεν. |gap=2_lines| † Φοιβάμμων ὁ υἱὸς τοῦ μακαρίου Σισινίου ἀφʼ Ἡρακλεοπόλεως μαρτυρῶ † † Συνούθιος υἱὸς τοῦ μακαρίου Σευήρου ἀφʼ Ἡρακλεοπόλεως μαρτυρῶ † † Σινούθιος ἐλέῳ θεοῦ διάκονος τοῦ ὁσίου Ἰωάννου μαρτυρῶ † ⳨ διʼ ἐμοῦ Συγκριτίου συμβολαιογράφου ⳨