p.polit.iud.6_1

τοῖς τὸ λϛ ἔτος ἄρχουσι παρὰ Θεοδότου τοῦ Θεοδότου Ἰουδαίου τοῦ συνεσταμένου ὑπὸ τῆς μητρὸς Βερενίκης. ἐνέστηκεν ἐμοί τε καὶ τοῖς ὀρφανοῖς ἐφʼ ὑμῶν κατάστασις πρὸς Τιμόθεον τῶν ἐξ Ὀννῆ περὶ τῶν κατὰ τὸ παιδίον τὸ τελευτῆσαν ἐπερ[...], ὁ Τιμόθεος [.....]εσεν τὴν σύγκρισιν ὡς ἡμῶν κεκριμένων ἐπὶ τῶν ἐν τῇ κώμῃ πρεσβυτέρων περὶ τούτων καὶ τυχόντων τῆς ὑπογραφῆς, τὸ σύνολον οὔτε κεκριμένων οὔτε εἰς ὑπογραφὴν ἑαυτοὺς δεδωκότων, Θεοδώρου δὲ καὶ Στράτωνος καὶ Ἰακούβιος τῶν τριῶν τῶν γενηθέντων κριτῶν ἐπελθόντων πρὸς τὴν δηλουμένην μου μητέρα καὶ ἐπερωτησάντων τινὰ ἀπῴχοντο οὐδεμιᾶς ὑπογραφῆς γενομένης. διὸ ἀξιῶ, ἐὰν φαίνηται, συντάξαι ἀνακαλέσασθαι τούτους τε καὶ τὸν Τιμόθεον καὶ ἐὰν ᾖ ταῦθʼ οὕτως ἔχοντα, προνοηθῆναι, ὡς ἡμεῖς μὲν τευξόμεθα τοῦ δικαίου κ[..][---] περὶ δὲ ἄλλων διαλαβεῖν. [---] εὐτυχεῖτε ἔτους [---] πιστευομε[---] πρ[..][---] ἔτους λϛ Μεχεὶρ κβ [.][---] θεο[.....][---]ς γ γρ[..][---] καταγίνεσθαι τῆι ιδ τοῦ Φαμενὼθ ἑτοίμους ἔχοντας τὰ πρὸς ταῦτα.

p.polit.iud.6_2

Θεοδότου πρὸς Τιμόθεον