TM 5253
(text of Papyri.info of September 2016)
Hover on a word for more info. Click on it to go to the detail page of the lemma.
p.oxy.55.3777
βασιλευούσης Βερενίκης θεᾶς Ἐπιφανοῦς ἔτους πρώτου, τὰ δʼ ἄλλα τῶν κοινῶν ὡς ἐν Ἀλεξανδρείᾳ γράφεται, μηνὸς Ὑπερβερεταίου καὶ Μεσορή ____ ἐν Ὀξυρύγχων πόλει τῆς Θηβαΐδος. ὀμνύω βασίλισσαν Βερενίκην θεὰν Ἐπιφανῆ καὶ τοὺς ταύτης προγόνους καὶ τοὺς ἄλλους θεοὺς πάντας Στράτων Νικομάχου [...] τῶν πρώτων φίλων καὶ χιλιάρχων μαχαιροφόρων καὶ τῶν κατοίκων ἱππέων Θέωνι [....]ιου Πέρσηι τῶν κατοίκων ἱππέων καὶ διαδόχωι τοῦ πατρικοῦ κλήρου, οἱ δύο ἀγυιᾶς Κλεοπάτρας Ἀφροδίτης, ἐμμενεῖν ἐν ἅπασι τοῖς κατὰ τὴν συγγραφὴν τῆς ὁμολογίας ἣν τέθειμαί σοι διὰ τοῦ ἐν Ὀξυρύγχων πόλει ἀρχείου τῶν μνημόνων τῆι ἐνεστώσηι ἡμέραι, καθʼ ἣν παρακεχώρηκά σοι ἀπὸ τοῦ κλήρου μου ἃς ἔχω ἐκ τοῦ Φαινίππου κλήρου περὶ κώμην Πεεννὼ γῆς σιτοφόρου σπορίμου ἐξ ὀρθογωνίου ἀρούρας πέντε, ὧν αἱ γειτνίαι διὰ τῆς ὁμολογίας δηλοῦνται, καὶ μὴ κακοτεχνήσειν Στράτωνα περὶ τὴν παραχώρησιν τῆς γῆς μηδὲ περὶ ἄλλο μηδὲν τῶν διὰ τῆς ὁμολογίας ἀναπεφωνημένων μηδὲ περὶ τὸν ὅρκον τοῦτον παρευρέσει μηδεμιᾶι. ἐὰν [.]ω, ἡνίκα δʼ ἂν εὐθυνθῶ [.]ν παρὰ σοῦ χωρὶς τοῦ μένειν σοι τὴν παραχώρησιν τῆς γῆς κυρίαν, καθάπερ καὶ ἔστιν, συγχωρῶ καὶ τὸν κλῆρόν μου ἀναληφθῆναι εἰς τὸ βασιλικὸν καὶ ἐμὲ ἔνοχον εἶναι τῶν ὅρκωι. ____ Στράτων ὀμώμοκα τὸν προγεγραμμένον ὅρκον.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)