p.tebt.3.1.703_2

[---] τοῦ [---] ὑπομνήματος ὑπὸ Ζηνοδώρου? [---] ἀντίγραφον ὑπόκειται. ____ [---] τοῦτο ποιεῖν μὴ πα[---] ἐπαρτισμοὺς καὶ τὴν [---][.]των ἔστω [---]αις ἧς φυ[---][.]ας |gap=5_lines| |gap=16_lines|

p.tebt.3.1.703_3

γ[.........]μα, τούς τε διὰ τῶν πεδίων ἠγμένους ὑδραγωγούς, εἰ τὰ συνταχθέντα βάθη ἔχουσιν αἱ εἰς αὐτοὺς ἐπιρρύσεις τοῦ ὕδατος καὶ ἐκποιοῦσα ὑποδοχὴ ἐν αὐτοῖς ὑπάρχει ἀφʼ ὧν εἰσάγειν εἰώθασιν οἱ γεωργοὶ τὸ ὕδωρ εἰς ἣν γῆν ἕκαστος κατασπείρει · ὁμοίως δὲ καὶ τὰς δηλουμένας διώρυγας ἀφʼ ὧν εἰς τοὺς προγεγραμμένους ὑδραγωγοὺς αἱ ἐπιρρύσεις γίνονται, εἰ αὐταί τε ὠχύρωνται καὶ εἰ ἀπὸ τοῦ βελτίστου αἱ ἐμβολαὶ ἀπὸ τοῦ ποταμοῦ καθαριῶνται καὶ εἰ ἄλλως πως ἐν ἀσφαλείαι εἰσίν. ἅμα δὲ ἐν τῶι ἐφοδεύειν πειρῶ περιερχόμενος ἕκαστον παρακαλεῖν καὶ εὐθαρσεστέρους παρασκευάζειν, καὶ τοῦτο μὴ μόνον λόγωι γίνεσθαι ἀλλὰ καί, ἐάν τινες αὐτῶν τοῖς κωμογραμματεῦσι ἢ κωμάρχαις ἐγκαλῶσι περί τινος τῶν εἰς τὴν γεωργίαν ἀνηκόντων, ἐπισκοπεῖν, καὶ ἐφʼ ὅσον ἂν ἐκποιῆι εἰς ἐπίστασιν τοιαῦτα ἀγέσθω. ὅταν δὲ διεξαχθῇ ὁ σπόρος, οὐ χεῖρον ἂν γίνοιτο εἰ ἐπιμελῶς ἐφοδεύοις · οὕτως γὰρ τὴν ἀνατολὴν ἀκριβῶς ἐπόψει, καὶ τὰ μὴ καλῶς ἐσπαρμένα ἢ τὸ ὅλον ἄσπορα ῥᾳδίως κατανοήσεις, καὶ τοὺς ὠλιγωρηκότας εἴσει ἐκ τούτου καὶ σοὶ γνώριμον ἔσται εἴ τινες τοῖς σπέρμασι εἰς ἄλλα κατακέχρηνται. ἵνα δὲ καὶ τοῖς κατὰ τὴν διαγραφὴν τοῦ σπόρου γένεσιν ὁ νομὸς κατασπείρηται κείσθω σοι ἐν τοῖς ἀναγκαιοτάτοις · καὶ ἄν τινες ὦσι κατατεταμένοι τοῖς ἐκφορίοις ἢ καὶ παντελῶς ἀνειμένοι, μὴ ἀνεπίσκεπτον ἐάσθω. ἀναγραφὴν δὲ

p.tebt.3.1.703_4

ποίησαι καὶ τῶν ἐν τῆι γεωργίαι ὑπαρχόντων βασιλικῶν τε καὶ ἰδιωτικῶν κτηνῶν, καὶ τὴν ἐνδεχομένην ἐπιμέλειαν ποίησαι ὅπως ἡ ἐκ τῶν βασιλικῶν ἐπιγονή, ὅταν εἰς τὸ χορτοφαγεῖν ἔλθηι, παραδίδωται εἰς τὰ μοσχοτροφῖα. ἐπιμελὲς δέ σοι γινέσθω καὶ ὅπως ὁ ὑπάρχων σῖτος ἐν τοῖς νομοῖς πλὴν τοῦ ἐν αὐτοῖς τοῖς τόποις δαπανωμένου εἰς τὰ σπέρματα καὶ τοῦ ἀπλώτου [.......]ς κατάγηται · οὕτω δὲ ἐμβαλεῖν εἰς τὰ πρῶτα παριστάμενα πλοῖα ῥᾴδιον, καὶ πρὸς τὸ τοιοῦτον μήποτε παρέργως σαυτὸν δίδου. εἰ[...] γὰρ οἱ ναύκληροι τὰς ἰδίας ολ[......]οις ἐφʼ ἑκάστων τῶν τόπων [..] διατριβόντων. ἐπιμελὲς δέ σοι ἔστω καὶ ἵνα αἱ διαγεγραμμέναι ἀγοραὶ κατάγωνται εἰς Ἀλεξάνδρειαν ὧν σοι καὶ τὴν γραφὴν ἐπιστέλλομεν ἀποστέλλων καὶ κατὰ τοὺς καιρούς, μὴ μόνον ἀριθμὸν ἔχουσαι ἀλλὰ καὶ δεδοκιμασμέναι καὶ ἐπιτήδειοι πρὸς τὰς χρείας. ἐπιπορεύου δὲ καὶ ἐπὶ τὰ ὑφαντεῖα ἐν οἷς τὰ ὀθόνια ὑφαίνεται καὶ τὴν πλείστην σπουδὴν ποιοῦ ἵνα πλεῖστα τῶν ἱστέων ἐνεργὰ ἦι, συντελούντων καὶ τῶν ὑφαντῶν τὴν διαγεγραμμένην τῶι νομῶι ποικιλίαν. ἐὰν δέ τινες πρὸς τὰς συντεταγμένας ἐκτομὰς ὀφείλωσι, πρασσέσθωσαν καθʼ ἕκαστον γένος τὰς ἐκ τοῦ δια…

p.tebt.3.1.703_5

γράμματος τιμάς. ὅπως δὲ καὶ τὰ ὀθόνια χρηστὰ ἦι καὶ τὰς ἁρπεδόνας ἔχωσι κατὰ τὸ διάγραμμα μὴ παρέργως φρόντιζε. ἐπιπορεύου δὲ καὶ τὰ ἑψητήρια ἐν οἷς τὰ ὠμόλινα ἕψεται καὶ τοὺς [.]μους καὶ τὸν χα[..]ον καὶ ἀναγραφὴν ποίησαι, καὶ ὅπως κῖκί τε καὶ νίτρον εἰς τὴν ἕψησιν ὑπάρχηι μετάφερε. ὅπως δὲ καὶ εἰς τὸν τῶν προσόδων λόγον ἢ εἰς τὸν τῆς ὀθονιηρᾶς τὸ [.]ον χ[.] [....]δε ἀεὶ τὴν κατὰ μῆνα ἐκτομὴν [....] α[...]εν ἐν αὐτῶι τῶι μηνί, καὶ [...] [.]έσθω πάλιν ἐν τῶι ἐχομένωι τὸ γινόμενον, ἐὰν δὲ περιγένηταί τι ἀπὸ τοῦ μετενεχθέντος ἐν τῶι πρώτωι μηνί, προσανενεχθήτω ἐν τῶι ἐχομένωι τὸ λοιπὸν εἰς τὴν ἐπιμήνιον ἐκτομήν. ὅσα δὲ τῶν ἱστέων μὴ ἔστιν ἐνεργά, μετενεχθήτω πάντα εἰς τὴν μητρόπολιν τοῦ νομοῦ καὶ συντεθέντα ἐν τοῖς ταμιείοις παρασφραγισθήτω. διαλογίζου δὲ καὶ τὰς προσόδους, ἐὰν μὲν ἐνδεχόμενον ἦι καὶ κατὰ κώμην, δοκεῖ δὲ οὐκ ἀδύνατον εἶναι ὑμῶν προθύμως ἑαυτοὺς εἰς τὰ πράγματα ἐπιδιδόντων, εἰ δὲ μή γε, κατὰ τοπαρχίαν, παραδεχόμενοι ἐν τοῖς διαλογισμοῖς τῶν μὲν ἀργυρικῶν φόρων μηθὲν ἄλλο ἢ τὰ ἐπὶ τράπεζαν πίπτοντα, τῶν δὲ σιτικῶν καὶ ἐλαικῶν φορτίων τὰ παραμεμετρημένα τοῖς σιτολόγοις ἐὰν δέ

p.tebt.3.1.703_6

τι ἀπολείπηι ἐν τούτοις, συνανάγκαζε τοὺς τοπάρχας καὶ τοὺς τὰς προσόδους ἐξειληφότας καταβάλλειν ἐπὶ τὰς τράπεζας τῶν μὲν σιτικῶν ὀφειλημάτων τὰς ἐκ τοῦ διαγράμματος τιμάς, τῶν δὲ ἐλαικῶν φορτίων ἐξ ὑγροῦ καθʼ ἕκαστον γένος. προσήκει δὲ τὴν ἐπιμέλειαν περὶ πάντων ποιεῖσθαι τῶν ἐν τῶι ὑπομνήματι γεγραμμένων, ἐν πρώτοις δὲ περὶ τῶν κατὰ τὰ ἐλαιουργῖα. τηρουμένων γὰρ κατὰ τρόπον τὴν ἐν τῶι νομῶι διάθεσιν οὐ παρὰ μικρὸν εἰς ἐπίδοσιν ἄξεις καὶ τὰ διακλεπτόμενα ἐπισταθήσεται. γίνοιτο δʼ ἂν τὸ τοιοῦτο εἰ παρʼ ἕκαστον καιρὸν ἐξετάζοις τὰ ἐν τῶι τόπωι ἐργαστήρια καὶ τὰ ταμιεῖα τῶν φορτίων τῶν τε ξηρῶν καὶ ὑγρῶν καὶ παρασφραγισμὸν ἔχοις. καὶ τὰ παραμετρούμενα τοῖς ἐλαιουργοῖς μὴ πλείονα ἦι τῶν μελλόντων κατεργάζεσθαι διὰ τῶν ὑπαρχόντων ὅλμων ἐν τοῖς ἐργαστηρίοις. ἐπιμελὲς δέ σοι γινέσθω καὶ ὅπως μάλιστα μὲν ἅπαντες οἱ ὅλμοι ἐνεργοὶ ὦσιν, εἰ δὲ μή γε, πλεῖστοι, τῶν δὲ λοιπῶν τὴν ἐνδεχομένην τήρησιν ποιεῖσθαι · καὶ γάρ ἐστι τῆς [.]ας καὶ καλάμης σάξαντες ε[.] χαρακτῆρα ἐπιβαλεῖν, τὰ δʼ ὑπεράριθμα ἐργαλεῖα τῶν μὴ τὴν χρείαν παρεχομένων ὅλμων ἐπὶ τὸ αὐτὸ συνανάγοντες παρασφραγισθήτω ἐν ταῖς ἀποθήκαις · καὶ ἐὰν ἐν τουτ[..] στάσηις τὰ ἀργότερα [...] ἀκριβῶς, γίνωσκε ὅτι χωρὶς τῶν ἐν τ[......] [.]ι διαφόρων καὶ εἰς οὐ τὴν τυχοῦσαν καταφρόνησιν ἥξεις, ἣν ῥᾳδίως ἀναιρεῖν οὐ δυνήσει. τὸ γὰρ γένος καταμε[......]

p.tebt.3.1.703_8

καὶ τὴν τιμὴν [...]ων [..]ν ἐν οὐθενὶ λόγωι ἐπιθέμενον. οὔσης δὲ καὶ τῆς κατὰ τὸ ἐννόμιον προσόδου ἐν ταῖς πρώταις, μάλιστʼ ἂν εἰς ἐπίδοσιν ἔλθοι εἰ τὴν ἀναγραφὴν ἀπὸ τοῦ βελτίστου ποιήσαι. εὐφυέστατος δὲ ὁ καιρός ἐστιν τῶι περὶ ταῦτʼ ὄντι περὶ τὸν Μεσορὴ μῆνα · ἐν γὰρ τούτωι τῆς πάσης χώρας ἐπεχομένης ὑπὸ τῶν ὑδάτων συμβαίνει τοὺς κτηνοτρόφους εἰς τοὺς ὑψηλοτάτους τόπους ἀποστεῖλαι τὴν λείαν, οὐκ ἐχόντων ἐξουσίαν εἰς ἄλλους τόπους διαρίπτειν. μελέτω δέ σοι καὶ ἵνα τὰ ὤνια μὴ πλείονος πωλῆται τῶν διαγεγραμμένων τιμῶν · ὅσα δʼ ἂν ἦι τιμὰς οὐχ ἑστηκυίας ἔχοντα, ἐπὶ δὲ τοῖς ἐργαζομένοις ἐστὶν τάσσειν ἃς ἂν βούλωνται, ἐξεταζέσθω καὶ τοῦτο μὴ παρέργως, καὶ τὸ σύμμετρον ἐπιγένημα τάξας τῶν πωλουμένων φορτίων συνανάγκαζε τοὺς [.]ς τὰς διαθέσεις ποιεῖσθαι. ἐπιμέλου δὲ ἐπισκοπεῖν καὶ τὰ μοσχοτροφῖα, καὶ τὴν πλείστην σπουδὴν ποιοῦ ὅπως ὅ τε σῖτος ἐν αὐτοῖς παρεσχημένος ἦι μέχρι τῶν χλωρῶν, καὶ εἰς τοὺς μόσχους ἀναλίσκηται ὁ διαγεγραμμένος καθʼ ἡμέραν, καὶ τὸ [.] εὐτάκτως ἀποδίδωται, τό τʼ ἐξ αὐτῶν τῶν τόπων καί, ἐὰν προσδέωνται τοῦ προσανακομιζομένου, καὶ ἐξ ἄλλων κωμῶν. ἐπιμελές τέ σοι ἔστω καὶ ἵνα ἡ φυτεία τῶν ἐπιχωρίων ξύλων κατὰ μὲν τὸν πρέποντα καιρὸν τῶν τὴν ὥραν ἐχόντων ξύλων γένηται ἰτέαις τε καὶ συκαμίνοις, περὶ δὲ τὸν Χοίαχ ἀκάνθης καὶ μυρίκης,

p.tebt.3.1.703_9

τούτων δὲ τὰ μὲν ἄλλα ἐπὶ τῶν βασιλικῶν χωμάτων φυτευέσθω καὶ τὰ φυτὰ εἰς πρασιὰς καταβληθήτω ἵνα τῆς ἐνδεχομένης ἐπιμελείας κατὰ καιρὸν ποτισμοῦ τυγχάνηι, ὥς τʼ ἂν δέηι καὶ γένηται ὥρα τῆς φυτείας, τότε μετ[.]αν τασσέτωσαν ἐπὶ? τῶν βασιλικῶν χωμάτων, τὴν δὲ τήρησιν αὐτῶν ποιείσθωσαν οἱ πρὸς τὴν ἔκληψιν προσεληλυθότες, ὅπως μήθʼ ὑπὸ τῶν προβάτων μήθʼ ὑπʼ ἄλλου μηθενὸς παροινεῖσθαι συμβαίνηι τὴν φυτείαν. ἅμα δὲ τῆι λοιπῆι ἐφοδείαι παρεπισκόπει καὶ εἴ τινα κεκομμένα ὑπάρχει ἐπὶ τῶν χωμάτων ἢ καὶ ἐν τοῖς πεδίοις, καὶ τὴν ἀναγραφὴν ποιησάμενος. ποίησαι δὲ ἀναγραφὴν καὶ τῶν βασιλικῶν οἰκήσεων καὶ τῶν πρὸς ταύταις παραδείσων καὶ ἧς ἕκαστος ἐπιμελείας προσδεῖται, καὶ διασάφησον ἡμῖν. ἐπιμελὲς δέ σοι ἔστω καὶ ἵνα τὰ κατὰ τοὺς μαχίμους οἰκονομῆται κατὰ τὸ ὑπόμνημα ὃ συντεθείκαμεν τὸ περὶ τῶν ἀνακεχωρηκότων σωμάτων ἐκ τῶν ἔργων καὶ ἀπ[.]ων ναυτῶν ὅπως εἰς [.]ντα τὰ ἐμπίπτοντα συνέχηται μέχρι τῆς εἰς Ἀλεξάνδρειαν ἀποστολῆς. ἵνα δὲ μήτε παραλογεία μηδεμία γείνηται μήτʼ ἄλλο μηθὲν ἀδίκημα τὴν ἐπιμέλειαν ποιοῦ μὴ παρέργως. σαφῶς γὰρ εἰδέναι δεῖ ἕκαστον τῶν ἐν τῆι χώραι κατοικούντων καὶ πεπιστευκέναι διότι πᾶν τὸ τοιοῦτον εἰς ἐπίστασιν ἦκται καὶ τῆς πρότερον καχεξίας ἀπολελυ…

p.tebt.3.1.703_10

μένοι εἰσίν, οὐθενὸς ἔχοντος ἐξουσίαν ὃ βούλεται ποιεῖν, ἀλλὰ πάντων οἰκονομουμένων ἀπὸ τοῦ βελτίστου · καὶ τῆι χώραι τὴν ἀσφάλειαν ποιήσετε καὶ τὰς προσόδους οὐ παρὰ μικρὸν ε[...] πάντα μὲν οὖν περιλαβεῖν καὶ διὰ ὑπομνημάτων παραδοῦναι ὑμῖν οὐ ῥᾴδιον διὰ τὰς ποικίλας περιστάσεις τῶν πραγμάτων ἀκολούθως τοῖς περιέχουσι NA ροῖς. ἵνα δὲ μηθὲν εἰς τὸ δυνατὸν παραλείπηται, περί τε τῶν ἐν τῶι ὑπομνήματι κατατεταγμένων ἐπιμελῶς [.]ετε, καὶ περὶ τῶν ἐκ τοῦ παρατυχόντος πιπτόντων ὁμοίως διασαφεῖτε ὅπως εκ[...]α χρηματίζηι ο[...]ιεξόδου. ἐπεὶ γὰρ ἀναγκαῖόν ἐστι πάντα διʼ ἐπιστολῶν οἰκονομεῖσθαι [....]νων ἡμῖν ἐπί τε π[..]γμένοις μακροτέραν τοὺς χω[....]ε π[.]ςοὐθέν, οὕτω παρασκευαστέον ἐστὶν αὐτοὺς ὥστε περὶ ἑκάστου τῶν ἐπιστελλομένων [..] γράφειν, μάλιστα μὲν κα[...]ντας, εἰ δὲ μή, διασαφοῦντας τὰ αἴτια, ἵνʼ ε[..] κας[..] λαμβάνηι καὶ μηθὲν τῶν δηλουμένων παραλείπηται. ταῦτα γὰρ ὑμῶν ποιούντων καὶ τοῖς πράγμασιν τὸ δέον τελέσεσθε καὶ ὑμῖν ἡ πᾶσʼ ἀσφάλεια ὑπάρξει. καὶ περὶ μὲν τούτων ἱκανῶς ἐχέτω · ἃ δὲ καὶ ἀποστέλλων σε εἰς τὸν νομὸν προσδιελέχθην, ταῦτα καὶ διὰ τοῦ ὑπομνήματος καλῶς ἔχειν ὑπέλαβον γράψαι σοι. ᾤμην γὰρ δεῖν τὸ μὲν ἡγεμονικώτατον ἰδίως καὶ καθα…

p.tebt.3.1.703_11

ρῶς καὶ ἀπὸ τοῦ βελτίστου ποιοῦντας? ὑμᾶς προσπορεύεσθαι ω[..........] ἐνδοθησομένης συνγ[.] τα δίκαια προσεστ[..] ἐλαχιστ[.] λόγον προσδεξομένων, ταῦτα γὰρ καὶ τούτοις παραπλήσια κ[.]εις παρεσχε[.] καιπερ[..] πλειόνων εὖ μεμαρτυρημένης τῆς καθʼ ἡμᾶς ἀναστροφῆς καὶ ἀγωνίας, μετὰ δὲ ταῦτα εὐτακτεῖν καὶ ἀκαμπτεῖν ἐν τοῖς τόποις, μὴ συμπλέκεσθαι φαύλοις ὁμιλίαις, φεύγειν ἅπαντα συνδυασμὸν τὸν ἐπὶ κακίαι γενόμενον, νομίζειν ἐὰν ἐν τούτοις ἀνέγκλητοι γένησθε μειζόνων ἀξιωθήσεσθαι, ἔχειν τὰ ὑπομνήματα διὰ χειρός, καὶ περὶ ἑκάστων ἐπιστέλλειν καθὰ συντέτακται.

p.tebt.3.1.703_13

[--------------------]
[---]αις[.][---] [---][...][---] [--------------------]

p.tebt.3.1.703_14

[--------------------]
[---][.]ηι[---] [---]αστ[.][---] [--------------------]

p.tebt.3.1.703_16

[--------------------]
[---]νοικο[---] [--------------------]

p.tebt.3.1.703_17

[--------------------]
[---][.][---] [---]α[.]μ[---] [---][.][---] [--------------------]

p.tebt.3.1.703_19

[--------------------]
[---][.][---] [---][....][---] [--------------------]

p.tebt.3.1.703_20

____

p.tebt.3.1.703_22

[--------------------]
[---]στ[.][---] [--------------------]

p.tebt.3.1.703_23

[--------------------]
[---]ιν[.][---] [---][.][---] [--------------------]

p.tebt.3.1.703_25

[--------------------]
[---]τα[.][---] [---][.][---] [--------------------]

p.tebt.3.1.703_26

[--------------------]
[---][..][---] [---][.][---] [--------------------]

p.tebt.3.1.703_28

[--------------------]
[---]δ[.][---] [--------------------]

p.tebt.3.1.703_29

[--------------------]
[---]ε[---] [--------------------]