TM 5736
(text of Papyri.info of September 2016)
Hover on a word for more info. Click on it to go to the detail page of the lemma.
ddbdp.2014.1
βασιλευόντων Πτολεμαίου τοῦ καὶ Ἀλεξάνδρου θεοῦ Φιλομήτορος καὶ Βερενίκης θεᾶς Φιλαδέλφου ἔτους ἑκκαιδεκάτου, τὰ δʼ ἀλλὰ τῶν κοινῶν ὡς ἐν Ἀλεξανδρείαι γράφεται μηνὸς Ἀπελλαίου [---] Φαῶφι [---] ἐν Ὀξυρύγχων πόλει τῆς Θηβαίδος · ἐδάνεισαν Σιμάριστος Δημητρίου τοῦ καὶ [.....]ου Λάκων καὶ Δίδυμος Μακεδὼν Δημητρίῳ Πέρσῃ τῆς ἐπιγονῆς [...][---] Ἀφροδίτης Βερενίκης [---] ἀπὸ τοῦ συσ[..][---] [---][..] κοινῶν χρημάτων χαλκοῦ νομίσματος τάλαντα πεντήκοντα τρία δραχμὰς [...] χιλίας τόκου ὡς ἐκ δύο δραχμῶν τῇ μνᾷ ἑκάστῃ τὸν μῆνα ἕκαστον. ἀποδότω δὲ ὁ Δημήτριος τοῖς δεδανεικόσι ἢ τῷ προ[---][..]ηι χειρισθησομένῳ τοῦ κοινοῦ χρηματοφύλακι τὰ πεντήκοντα τρία τάλαντα δραχμὰς [...] χιλίας τοῦ χαλκοῦ καὶ τοὺς τόκους ἐν τῶι [.....] μηνὶ τοῦ ἑκκαιδεκάτου ἔτους. ἐὰν δὲ μὴ ἀποδῶι καθὰ γέγραπται ἀποτείσατω Δημήτριος τοῖς δεδανεικόσι ἢ τῷ προχειρισθησομένῳ τοῦ κοινοῦ χρηματοφύλακι τὸ μὲν δάνειον ἡμιόλιον, τοὺς δε τόκους ἁπλοῦς τοῦ τε συγγεγραμμένου καὶ τοῦ ὑπερπεσόντος χρόνου. ἔγγυος τῶν κατὰ τὴν συγγραφὴν πάντων εἰς ἔκτεισιν αὐτοῦ Δημητρίου γυνὴ Ἀσκληπίας Σωσιβίου Περσίνη μετὰ τοῦ αὐτοῦ κυρίου. ἡ δὲ πρᾶξις ἔστω τοῖς δεδανεικόσι ἢ τῶι προχειρισθησομένῳ τοῦ κοινοῦ χρηματοφύλακι ἔκ τε ἀμφοτέρων καὶ ἐξ οὗ ἐὰν αἱρῆται καὶ ἐκ τῶν ὑπαρχόντων αὐτοῖς πάντων καθάπερ ἐκ δίκης. κυρία ἡ συγγραφή. Σιμάριστος ὡς ἐτῶν ξθ μέσος μεγέθει οὐλὴ μετώπῳ μέσῳ Δίδυμος ὡς ἐτῶν νθ μείζων ἢ μέσος τετανὸς οὐλὴ ὑπὸ σιαγόνα ἀριστεράν. Δημήτριος ὡς ἐτῶν λγ μείζων ἢ μέσος ἀστραγάλῳ οὐλὴ ὀφρύι δεξιᾷ ἄλλη ὑπὸ τὴν αὐτήν.Display options
Text:
- semi-regularized text without diacritics (add)
- omitting line breaks (add)
- omitting links to TM Words e.a. (add)
Highlights:
- without highlights of Places (add)
- without highlights of People (add)
- without highlights of Gods (add)
- without highlights of Text Irregularities (add)
- without highlights of Dates (add)
Letters only:
- without exclusive highlights of Formulae (add)