chr.wilck.382

[--------------------]
παρὰ Αὐρηλίου Σαραπίωνος [...........] ἀπὸ κώμης Φιλαδελφίας γραμματ[.............] μηνὸς Μεσορὴ ἐπαγομένων [........] μου εἰς τοὺς γάμους ἐν τῇ οἰκίᾳ τῆς ἡμετέρας ἀδελφῆς οὐκ οἶδʼ ὅπως Ἄριος υἱὸς Ἀγάμμωνος ἀπὸ τῆς αὐτῆς κώμης Φιλαδελφίας καιροτηρησάμενός με ἐξερχόμενον ἐπὶ Κερκεσωρους ἐκ τῆς οἰκίας ἐβουλήθη ἐπέλευσίν μοι ποιήσασθαι μετὰ ξίφους ἔχων μεθʼ ἑαυτοῦ καὶ ἄλλους τινάς, οὓς δυνήσεται ὑποβαλεῖν καὶ δύνανται οἱ ἀρχέφοδοι τῆς κώμης μαρτυρῆσαι καὶ οἱ οἰκοῦντες ἐν τῇ οἰκίᾳ, καὶ ἐπελθὼν πολλὰς αἰσχρολογίας εἰς πρόσωπόν μου ἐξειπών. καὶ γὰρ καὶ κατὰ τὸν πέρυσι ἐνιαυτὸν ὁ αὐτὸς πάλιν Ἄριος καὶ ὁ τούτου πατὴρ Ἀγάμμων τῶν ἀπὸ τῆς κώμης φυγῇ δρασαμένων ἐπελθόντες ῥιψοκινδύνῳ γνώμῃ τῇ ἡμετέρᾳ οἰκίᾳ καὶ φῶτα ἐπενενκόντες ἐνέπρησαν αὐτὴν ἐκ θεμελίου. ἐπεὶ τοίνυν οὐχ ὀλίγα ἐστὶν τὰ τολμηθέντα ὑπʼ αὐτῶν κατʼ ἐμοῦ, ἀλλὰ ἡμῖν παρʼ ἕκαστα ὁ τούτου πατὴρ καὶ προειρημένος Ἀγάμμων ἐπέρχεται καὶ κωλύει τοὺς γινομένους μερισμοὺς ἐν τῇ κώμῃ τῶν δημοσίων πραγμάτων, διὰ τοῦτο τάδʼ ἐμὰ τὰ βιβλία ἐπιδίδωμί σοι ἀξιῶν ἀχθῆναι ἐπὶ σοῦ τοὺς προειρημένους Ἄριον καὶ τὸν τούτου πατέρα Ἀγάμμωνα καὶ ἐν ἀσφαλεῖ παρὰ σεαυτῷ αὐτοὺς τούτους ἔχειν καὶ ἱκανὰ ἀξιόχρεα αὐτοὺς ἐπαναγκασθῆναι παρασχεῖν ὑπὲρ τῆς σωτηρίας μου [..]μι ἑτέρων [....]ων οὐ γὰρ ἀν[..] ων[...] ἐντεύξομαι τῇ μείζονι ἐξουσίᾳ. διευτύχει ὑπατείας Εὐσεβίου καὶ Ὑπατίου τῶν λαμπροτάτων Μεσορὴ ἐπαγομένων [.]