TM 27271
(text of Papyri.info of September 2016)
Hover on a word for more info. Click on it to go to the detail page of the lemma.
sb.6.9026
Ἀρέσκουσα Ἡρακλήωι τῶι ἀδελφῶι χαίρειν. ἔγραψάς μοι περὶ της* ὑὸς ἢ πωλῆσαι ἢ παρʼ ἐμοί μαι* ἐ-νέγκαι ἢ χορηγῆσαι αὐτῇ τροφῖα*. ἅμα γὰρ τῷ με θέλειν χορηγῆσαι λόγους οὐκ ὀλίγους ἀνήνεγκαν, οὐκ ἐθαρρη* δὲ τὸν τοσοῦτον λόγον ὑποστῆναι ἄνευ τῆς σῆς γνώμης. ἀλλʼ ἐπὶ λόγῳ ἔδωκα αὐτοῖς δραχμὰς ὀκτὼ ἕως ἂν παραγένῃ καὶ εἰδῇς ὃ συν-εφώνησας. τοῖς δὲ πώλοις χορηγῶ ὃ ἐπιζη-τοῦσι. πά[ν]τῃ πάντως μοι πέμψῃς τῷ ἀγωγίῳ τούτῳ ἐριοξύλου δραχμὰς εἴκοσι σπουδαίας κρό-κης. ἀλλʼ ὅρα μὴ ἀμελήσῃς ἐπεὶ οἱ ἀδελφοί σου ἐπεν-δύτην οὐκ ἔχουσι ἐκτριβέντων τῶν ἐριοξύ-λων αὐτῶν, καὶ χρείαν ἔχουσι ὡς οἶδας καθὰ πάντοτε ἐν ἀγρῷ διατρείβουσι*. ἄσπασαι τοὺς σοὺς πάντας κατʼ ὄνομα. ἀσπάζεταί σε Χάρμος καὶ Ἡρακλείδης καὶ Τανεχώτης καὶ Σαραπίων καὶ ὁ μεικρὸς* Σεύθης καὶ Ταῦρις καὶ Ἀπολλωνά-ριον καὶ οἱ παρʼ ἡμῶν πάντες. ἔ[ρ]ρ̣ω̣σο. Ἡρακλήωι ╳ ἀδελ(φῷ) παρὰ Ἀρε[σκούσης].Display options
Text:
- original, uncorrected text with diacritics (omit)
- omitting line breaks (add)
- omitting links to TM Words e.a. (add)
Highlights:
- with highlights of Places (omit)
- with highlights of People (omit)
- with highlights of Gods (omit)
- with highlights of Text Irregularities (omit)
- with highlights of Dates (omit)
Letters only:
- without exclusive highlights of Formulae (add)